Ár oqýshy ustazynyń teris áreketin ınternetke jarııalaı alady - QR Vıtse-premeri
ASTANA. QazAqparat - Muǵalimder balalarǵa qatysty ózderiniń qyzmettik ókilettigin asyra paıdalanbaýy tıis. Búgin Astanadaǵy № 81 «Astana English School» mamandandyrylǵan gımnazııasy muǵalimderimen jáne oqýshylarymen kezdesý barysynda QR Premer-Mınıstriniń orynbasary Darıǵa Nazarbaeva osylaı málim etti.
«Ókinishke qaraı, buqaralyq aqparat quraldarynda ózderiniń ókilettigin asyra paıdalanatyn muǵalimder jaıynda jaǵymsyz materıaldar kóptep kezdesedi. ıAǵnı, muǵalimder oqýshylarǵa qatysty ókilettiginiń sheginen shyǵyp jatady. Árqaısylaryńyz bilýlerińiz kerek, búginde bizdiń balalardyń qolynda smartfondary bar. Atap aıtqanda, olardyń árqaısysy sizderdiń qyzmetterińizge «tyńshylyq» jasaı alady. Sizderdiń kez kelgen jaqsy nemese jaman áreketterińiz Internette kórinis tabýy múmkin»,-dep toqtaldy D. Nazarbaeva.
Onyń sózinshe, bundaı «sharalar» mınıstrliktiń nemese ákimdik tarapynan jasalǵan buıryqtar men nusqaýlarǵa qaraǵanda tıimdirek tártipke salady.«Bul jaıynda árdaıym esterińizde bolǵan jón» , - dep túıdi Úkimet basshysynyń orynbasary.
