Ár oblysta Óńirlik ınvestıtsııalyq shtab qurylady
ASTANA. KAZINFORM – Ár óńirde ákimderdiń basshylyǵymen Óńirlik ınvestıtsııalyq shtabtar qurylatyn bolady. Bul týraly QR Prezıdenti janyndaǵy Sheteldik ınvestorlar keńesiniń 36-shy plenarlyq otyrysynda Premer-Mınıstrdiń orynbasary – Ulttyq ekonomıka mınıstri Nurlan Baıbazarov aıtty.
“Investıtsııa tartý jónindegi keńestiń róli kúsheıtildi. Onyń ókilettikteri ınvestordyń barlyq qajetti rásimderden jedel jáne ońaı ótýine múmkindik beredi. Ruqsat alý rásimderin ońaılatý jáne ınvestorlarǵa baqylaý júktemesin qysqartý úshin baqylaýshy memlekettik organdar tarapynan bızneske qysymdy azaıtý tetikteri engiziledi”, - dedi ol.
Mınıstrdiń aıtýynsha, endi "prokýrorlyq súzgi" jumysy aıasynda ınvestorlarǵa qatysty barlyq sheshim men shekteý sharasy prokýratýramen kelisilýi tıis.
"Osynda jáne qazir" qaǵıdaty boıynsha jergilikti jerlerde ınvestorlardyń problemalaryn sheshý úshin Úkimettiń ınvestıtsııalyq shtabyna uqsas ár óńirde ákimderdiń basshylyǵymen Óńirlik ınvestıtsııalyq shtabtar qurylatyn bolady”, - dedi Nurlan Baıbazarov.
