Ár qazaqstandyq jylyna 64 keli un ónimin tutynady

NUR-SULTAN. QazAqparat – Elimizde jyl boıy ár adam 64 keli un ónimin qoldanady. Bul týraly Qazaqstan astyq óndirýshiler odaǵynyń tóraǵasy Nurlan Ospanov málim etti, dep habarlaıdy QazAqparat tilshisi.

«Bul jerde jalpy un ónimderi týraly aıtyp otyrmyz. ıAǵnı un, bıdaı jáne qara bıdaı nany, makaron ónimderi men untaq jarmasy kiredi. Demek bul tek nan ǵana emes degen sóz. Osylaısha ár adam jylyna 64 keli un ónimin tutynatynyn kórip otyrmyz. Bul kórsetkishti Qazaqstan halqy sanyna shaǵyp eseptesek, jylyna 1,2 mln tonna un nemese 1,7 mln tonna bıdaı tutynady», - dedi Nurlan Ospanov tilshilerdiń suraǵyna jaýap bere otyryp.

Buǵan deıin odaq basshysy nan baǵasynyń ósýi nemen baılanysty ekenin atap bergen edi.

Onyń aıtýynsha, elimizde nan baǵasyn ósirmeýge barlyq negiz bar.

Sondaı-aq, Nurlan Ospanov nan óndirýde bıdaıdan basqa da shyǵyn túrleriniń baryn eske saldy.

Aıta keteıik, búgin elordada Qazaqstan astyq óndirýshiler odaǵynyń uıymdastyrýymen bıylǵy astyq jınaý maýsymyna qatysty máseleler talqylanǵan dóńgelek ústel ótti.

Sol sharada eldegi bıdaı baǵasyna áser etetin faktorlar atalǵan edi.

Odan bólek, odaq Qazaqstanda astyq ımportyna tyıym salýdy usynyp otyr.

Ashy q k ó zderden alyn ǵ an foto