Ár qazaq - meniń jalǵyzym: Qazaq Respýblıkasynyń 100 jyldyǵyna oraı fotokonkýrs bastaldy
Baıqaýdyń negizgi maqsaty - portrettik, taqyryptyq jáne basqa da sýretter arqyly táýelsiz Qazaqstannyń qalyptasýyna úles qosqan qazaqstandyqtardyń beınesin ashý, Alash ustanymdaryn nasıhattaý.
Baıqaýǵa jas ereksheligine, mamandyǵyna qaramastan, Qazaqstannyń kez kelgen azamaty qatysa alady.
Baıqaý 2 kezeńnen turady:
1 kezeńde jumys «Aq jol» partııasynyń saıtynda ashyq daýys berý arqyly tańdalady. Daýys berý myna siltemede júrgiziledi.
2 kezeńde eń kóp daýys jınaǵan jumystar táýelsiz kásibı fotograf-sarapshylardan qurylǵan komıssııa qaraýynan ótedi. Baıqaý komıssııasynyń sheshimi - sheshýshi sheshim. Komıssııa fotokórmeniń ekspozıtsııasyna konkýrstyq jumystardy engizýge quqyly.
Baıqaý talaptary:
Jumystar 2020 jylǵy 20 qyrkúıekke deıin myna siltemede qabyldanady.
Tirkelý barysynda ár jumysta avtor týraly derekter aty-jóni jáne jumysynyń ataýy tolyq kórsetilýi tıis.
Fotosýretter JPG/JPEG formatynda bolýy jáne ár sýrettiń kólemi 5 Mb-tan aspaýy kerek. Fotosýretterdiń faıldyq ataýy «Famılııasy jáne rettik nómiri» formatynda saqtap tirkelýi tıis. Mysaly: «Nýrlanov1.jpg», «Nýrlanov2.jpg», «Nýrlanov3.jpg» jáne basqa.
Qatysýshy baıqaýǵa óz sýretin jibere otyryp, fotonyń avtory ózi ekendigine jáne ol eshkimniń avtorlyq quqyǵyn buzbaıtyndyǵyna, sondaı-aq sýret buryn eshqandaı fotobaıqaýǵa usynylmaǵandyǵyna jáne eshqandaı basylymda/ınternet-resýrsta jarııalanbaǵanyna kepildik beredi.
Qatysýshy baıqaýǵa óz sýretin jibere otyryp, uıymdastyrýshylarǵa bolashaqta óz fotolaryn elektrondy jáne baspa BAQ quraldarynda, uıymdastyrýshynyń saıtynda jáne áleýmettik jelilerdegi resmı paraqshalarynda avtorlyq qalamaqysyz jáne kommertsııalyq emes maqsatta shekteýsiz kólemde paıdalanýǵa kelisim beredi. Uıymdastyrýshylar fotobaıqaýǵa qatysýshynyń sýretin árbir qoldanǵan kezde avtordyń aty-jónin tıisti talaptarǵa sáıkes kórsetetin bolady.
Sýretter avtordyń áleýmettik jelisinde #aqjol_photobaiqau heshtegi boıynsha jáne @akzhol_partiyasy (Instagram) jáne «Aq jol» partııasy (Facebook) akkaýnttaryna jarııalanýy kerek.
Uıymdastyrýshy kórsetilgen talaptarǵa sáıkes kelmeıtin jumystardy baıqaýǵa jibermeýge quqyly.
Fotokonkýrs qorytyndysy boıynsha dıplom men aqshalaı syılyq beriledi:
1-orynǵa 500 000 teńge;
2-orynǵa 300 000 teńge;
3-orynǵa 200 000 teńge.
Fotokonkýrstyń nátıjesi 2020 jyldyń 1 qazanynda jarııalanady.
Baıqaýǵa qatysýshylar arnaıy fotokórmege qatysady.
