Ár ıspandyq januıa jylyna €500 turatyn tamaqty qoqysqa tógedi
ASTANA. QazAqparat - Toluna halyqaralyq saýalnama júrgizý agenttigi zertteý jasady. Nátıjesinde ıspandyqtardyń dúkennen satyp ákelingen tamaq ónimderine uqypsyz qaraıtyny anyqtaldy. Sonyń saldarynan ár ıspandyq januıa jylyna €500 turatyn tamaqty qoqysqa tógedi eken.
Saýalnama suraqtaryna jaýap bergenderdiń 80%-y tońazytqyshta turǵan azyq-túliktiń qalaı buzylyp ketkenin baıqamaı qalatyn bolyp shyqty. Mundaı salǵyrttyq saldarynan ár otbasy aıyna 40 eýronyń tamaǵyn qoqysqa laqtyrady. Al 1 jyl ishinde bul kórsetkish 500 eýroǵa jetedi. Jaramsyz bolyp qalyp, qoqys jáshigine eń jıi túsetin nan jáne onyń ónimderi bolyp shyqty, dep jazady 24.kz espanarusa.com-ǵa siltememen.
