Ár eldiń ereksheligi kórsetilgen álem kartasy jasaldy
ASTANA. QazAqparat - Infografıka jasaýdyń sheberi Devıd MakKendless ár eldiń qaı salada erekshelenetinin kórsetip, álem kartasyn jasady. Keıbir málimetter óte qyzyq, dep jazdy Moıa planeta.
InformationisBeautiful.net saıtynda jarııalanǵan kartada berilgen málimetter Búkiládemdik bank statıstıkasy men Gınnestiń rekordtar kitabyna deıin túrli derekkózderden jınalǵan.
Karta avtorynyń pikirinshe, Qazaqstan ýran óndirýden eń aldyńǵy orynda. Al Reseı beıneregıstratorlardy qoldanýmen tanymal. Reseı avtokólikteri túsirgen jol oqıǵalary vıdeolarynyń Batysta óte tanymal ekeni anyqtaldy.
