Ár eldegi adamdardyń bir kúndik asy - FOTO
ASTANA. QazAqparat - Kalıfornııalyq fotograf Peter Mentsel (Peter Menzel) men onyń áıeli Feıt D'Alýızıo (Faith D'Aluisio) úsh jyl boıy álemniń 30-dan astam eline saıahat jasaǵan. Erli-zaıyptylar saparlarynda túrli shyǵarmashylyq izdenisterge baryp, zertteýler júrgizgen. Olar ártúrli ult ókilderiniń bir kúndik asynyń quramyna qandaı taǵamdar kiretinin bilý maqsatynda arnaıy fotosesııalar uıymdastyrady. Sýretterden ár ulttyń ózindik erekshelikterin de baıqaýǵa bolady. Bul týraly 24.kz jazady.
Máselen, joǵarydaǵy sýretten biz nemis qyzy Robın Vaızer-Lınnartzdyń naýbaıhanasyn kóre alamyz. Onyń bir kúndik asy shamamen 3700 kalorııa bolady.
Kaırdegi túıe satýshy. Onyń bir kúndik asy 3200 kalorııadan turady.
Chen Chjen - Qytaıdaǵy Shanhaı ýnıversıtetiniń stýdenti. Onyń táýliktik asy 2600 kalorııadan turady.
Marııa Ermılında Aıma Sıchıgalo - Ekvadordyń Tıngo aýylynda ómir súretin fermer áıel. Ol bir táýlikte 3800 kalorııaly taǵam tutynady eken.
Inýıttyq sabyn jasaýshy Vıllı Ishýlýtak. Ol ár kún saıyn 4700 kalorııaly taǵam jeıdi.
Sıýı Jıpeng - Qytaıdyń Shanhaı qalasynda turatyn shtattan tys grafıkalyq dızaıner ári geımer. Onyń bir kúndik asy 1600 kalorııany quraıdy.
Kanadalyq qyzmetshi Neıl Djons bir kúnde 2600 kalorııaly taǵam tutynady.
Dın Memon - AQSh-tyń Chıkago qalasynyń turǵyny, taksıst. Al onyń bir kúndik taǵamy 2000 kalorııa bolady.
Ketrın Navas - Karakas (Venesýela) orta mektebiniń oqýshysy. Ol bir táýlikte 4000 kalorııaly taǵam jeıdi.
Amerıkalyq alysqa qatynaıtyn júrgizýshi (dalnoboışık) Konrad Tolbı bir kúnde 5400 kalorııaly taǵam jeıdi eken.
Lan Gýıhýa - Qytaıdyń Sychýan provıntsııasynyń fermeri. Onyń bir táýlikte jeıtin taǵamdarynyń kalorııasy 1900 bolady.
