Ár beısenbide «Medeý» muz aıdynynyń qonaqtaryn qazaqstandyq estrada juldyzdary qarsy alady
ALMATY. QazAqparat - Ár beısenbi saıyn ońtústik astana turǵyndary men qonaqtary tanymal ánshiler men toptardyń jandy daýystaǵy oryndaý sheberligine tánti bolady.
Uıymdastyrýshylardyń habarlaýynsha, 25 aqpannan 7 sáýirge deıin (ár beısenbide) saǵat 19:00-dan 22:00-ge deıin «Medeý» bıik taýdaǵy muz aıdynynda jappaı buqaralyq syrǵanaq tebý kezinde ««Medeý MuzFest» festıvali aıasynda qazaqstandyq estrada juldydarynyń qatysýymen kontsertter ótkiziledi.
«Ótken aptada «Medeý» qonaqtary aldynda Nurjan Kermenbaev pen YES17 toby óner kórsetti. Al 3 naýryzda syrǵanaq tebýshiler «Do-Mi-No» tobynyń súıikti hıttarymen sýsyndaıdy», - delingen habarlamada.
«Medeý» basshylyǵy belsendi jáne salaýatty ómir saltyn naıhattaıtyn jobalar men jaqsy ıdeıalarǵa árqashan da qoldaý kórsetýde. Buryn muz aıdynynda «Azııa daýysy» halyqaralyq mýzyka festıvali ótetin edi. Endi budan bulaı «Medeý MuzFest» festıvali de jurtshylyq kóńilinen shyǵatynyna senemiz
