Ár besinshi bala kıberbýllıngke tap bolady – ıÝNISEF zertteýi

ASTANA. KAZINFORM – Qazaqstandaǵy bala quqyǵy jónindegi ýákil Dınara Zakıeva ıÝNISEF júrgizgen balalardyń tsıfrlyq minez-qulqy týraly zertteý nátıjelerimen bólisti.

– Bizdiń seriktesimiz ıÝNISEF tsıfrlyq tehnologııalardy qoldaný turǵysynda óte mańyzdy zertteý júrgizdi. Zertteý nátıjesinde balalar alǵash ret ınternetti shamamen 5 jasynda qoldana bastaıtyny anyqtaldy, – dedi elordada Teen Accounts jobasynyń iske qosylýyna jáne jastardyń onlaın qaýipsizdigine arnalǵan is-sharada.

Zertteýge sáıkes, balalar men jasóspirimderdiń shamamen 66%-y áleýmettik jelini sóılesý úshin paıdalanady.

– Sonymen qatar, saýalnamaǵa qatysqan balalardyń 21%-y kıberbýllıngke ushyraǵandaryn aıtsa, 20%-y múlde tanymaıtyn adamdardy dostyqqa qosqanyn moıyndaǵan. Bul óte qaýipti kórsetkishter. Sebebi tehnologııa kún saıyn ózgerip, damyp jatyr, al biz balalardyń qaýipsizdigin qamtamasyz etý úshin qandaı quraldardy qoldaný kerektigin naqty túsinýimiz kerek, – dep tolyqtyrdy balalar quqyǵy jónindegi ýákil. 

Onyń aıtýynsha, balalardyń ınternettegi qaýipsizdigi baǵytynda Qazaqstan halyqaralyq tsıfrlyq platformalarmen, atap aıtqanda Meta kompanııasymen tyǵyz jumys istep jatyr. 

– Biz onlaın qaýipsizdik negizderi jaıynda beınematerıaldar jasaýdy uıǵardyq. Bul jumysty ótken jyly bastaǵan edik, – dedi ol.

Sonymen qatar zańnamalyq deńgeıde de jumys júrip jatyr.

– Biz bul baǵytta negizgi múddeli taraptarmen, ıaǵnı mınıstrlikter, áleýmettik jeliler ókilderimen birlesip, ózara kelisimge kelý úshin aýqymdy dıalogty bastadyq, – deıdi ol. 

Eske salaıyq, jyl basynda balalarǵa qatysty kıberbýllıng faktilerin qaraý erejesi bekitildi. 

Elimizde 2023 jyly elimizde balalar kıberbýllıngimen kúres maqsatynda onlaın-platformalar týraly zań qabyldandy.