Ár azamattyń tańdaýy mańyzdy - Qazhrom ujymy
ASTANA. KAZINFORM – Jańa Konstıtýtsııa eńbek jaǵdaılary men jumys berýshi arasyndaǵy ádildikti nyǵaıtyp, memlekettiń jumys oryndary sapasyn arttyrýǵa baǵyttalǵan saıasatynyń negizin qalyptastyrady. Bul pikirdi eldegi iri kompanııalardyń biri – ERG quramyna kiretin «Qazhrom» TUK» AQ qyzmetkerleri málimdedi. Olar otandastarymyzdy referendýmǵa qatysýǵa shaqyrdy.
Búginde «Qazhrom» kásiporyndarynda 19 myńnan astam adam jemisti eńbek etip júr. ERG metallýrgteri Jańa Konstıtýtsııa jobasyn elimizdi damytý men jumysshylardyń quqyqtaryn qorǵaý turǵysynan alǵanda erekshe mańyzdy qujat dep tanıdy. Onda eńbekqorlyq qundylyǵy, eńbek jaǵdaılary, qaýipsizdik pen gıgıena talaptaryn saqtaý syndy basym baǵyttar kórinis tapqan.
Eńbek adamy basyn qaterge tigýge mindetti emes. Ol qaýipsizdik erejeleriniń saqtalýyn, tıisti eńbek jaǵdaılaryn qamtamasyz etýdi jáne jeke qorǵanysh quraldarymen qamtýdy talap etýge quqyly.
ıAǵnı, Jańa Konstıtýtsııada «adam, onyń ómiri men erkindigi – memlekettiń eń basty qundylyǵy» dep aıqyn kórsetilgen.
Jumyskerler referendýmda ár azamattyń pikiri men tańdaýy erekshe mańyzdy ekenin atap ótti.
Sondyqtan olar barshany aldaǵy referendýmǵa qatysyp, eldiń erteńgi bolashaǵyna qatysty óz pikirin aıqyn bildirýge shaqyrdy. Ortaq bolashaq óz qolymyzda.
– Jańa Konstıtýtsııa bılik ınstıtýttary arasyndaǵy tepe-teńdikti nyǵaıtyp, azamattardyń quqyqtaryn burynǵydan da myǵym bekitip, eldiń damýyna zamanaýı negiz qalyptastyrady. Іri ónerkásip kompanııasy men ERG-diń myńdaǵan eńbek ujymynyń basshysy retinde men bul ózgeristerdiń mańyzyn aıqyn túsinemin. Munda uzaq merzimdi ornyqtylyq, ınvestıtsııalyq tartymdylyq pen adamdardyń erteńgi kúnge degen senimdiligi sóz bolyp otyr. Konstıtýtsııa turaqtylyqty qamtamasyz etip, bızneske boljamdy erejelerdi bekitedi, – dedi ERG Dırektorlar keńesiniń tóraǵasy, Bas atqarýshy dırektory Shýhrat Ibragımov. – Referendýmǵa qatysý – bul tek formaldi is emes, eldiń erteńgi bolashaǵyna tikeleı áser etetin sanaly sheshim. Barsha azamattardy referendýmǵa qatysyp, daýys berýge shaqyramyn!