Ár azamatta jol memlekettiki emes, meniki degen túsinik bolýy kerek- Qazjol ǴZI
NUR-SULTAN. QazAqparat - «Qazjol ǴZI» AQ prezıdenti Baǵdat Teltaev jolda bilikterine normadan artyq salmaq túsirip, júre beretin aýyr júk kólikteriniń qyzmetine qatysty másele kóterdi, dep habarlaıdy QazAqparat tilshisi.
«Biz búgin úlken máseleni kótergimiz kelip otyr. Avtokólik joldarynyń beriktigin saqtaýy, jobalanǵan merzimde qyzmet kórsetý, avtokólik joldaryna túsetin júkteme máselesi bizdi tolǵandyrý kerek. Men bir anyqtama bergeli otyrmyn: árbir avtokólik jolynyń tósemesiniń qurylymy beriktikke synalady. Avtokólikterdiń belgili bir biliginiń ótýiniń (mysaly birneshe mıllıon) sany sanalady. Qarap otyrsańyzdar, birneshe bilikti, qos bilikti kólikter, biligine kóp júkteme túsetin kólik túrleri jolymyzda júrip jatyr. Osyndaı aýyr júkti kólikterdiń saldarynan joldarymyzdyń qyzmet kórsetý ýaqyty tómendep ketýi múmkin», - deıdi Baǵdat Teltaev OKQ-da ótken baspasóz máslıhatynda.
Onyń aıtýyna qaraǵanda, Qazaqstandaǵy jol salý praktıkasynda eseptik avtokólik degen túsinik bar. Ol - jalǵyz bilik degendi bildiredi.
«Qazaqstannyń kóptegen negizgi joldarynyń bári - bilikke túsetin 10 tonnalyq salmaqqa jobalanǵan. Qazaqstanǵa respýblıkalyq jáne jalpy paıdalanýǵa berilgen jergilikti respýblıkalyq joldardyń sany shamamen 100 myń shaqyrym deıtin bolsaq, sonyń úshten eki bóligi (67 paıyzy) 10 tonna jáne odan da tómen biliktik kúshke eseptelip salynǵan. Eger jolǵa osy normadan artyq kúsh túsiretin bolsaq, onda bizdiń avtokólikterdiń jobalyq merzimi boıynsha qyzmet kórsete almaıdy. ıAǵnı, joldar erte buzylýy yqtımal», - deıdi ol.
«Qazjol ǴZI» basshysy sózi dáleldi bolýy úshin baspasóz máslıhaty barysynda ekranǵa slaıdtardy shyǵaryp, aýyr júk kólikteriniń keselinen mújilip ketken joldardyń fotolaryn kórsetti.
«Eger bir ǵana bilik 15 tonna júkpen ótetin bolsa, onda ol bir ǵana biliktiń jolǵa túsiretin salmaǵy - alty avtokólikke teń. Aldyńǵy bilikke 6 tonnadan bastap, sońǵy bilikke 13 tonnaǵa deıingi ártúrli kombınatsııalardy qarap, eseptep kórdik. Taldaý kóńil kónshitpeıdi. Neni aıqymyz keledi? Egemendik alǵannan keıin bizge Keńes odaǵynan eski joldar mura bolyp qaldy. Elbasynyń tapsyrmasymen qansha mıllıard teńgeni joldyń sapasyn kóterýge jumsadyq. Eger biz osy joldaǵy avtokólikterdiń biligine túsetin kúshti normaǵa saı ekenin qadaǵalap otyrmaıtyn bolsaq, biz aldaǵy ýaqytta jolsyzdyqqa urynýymyz múmkin. Sondyqtan, jalpy buqara halyq osy máseleniń óte mańyzdy ekenin bilgeni durys», - deıdi ol.
Baǵdat Teltaevtyń aıtýynsha, AQSh-ta aýyr júk kólikteriniń biligine túsetin salmaq talaby - 8,2 tonna. Ótken ǵasyrdaǵy Uly ekonomıkalyq daǵdarys álemniń alpaýyt elin jol sapasyn qadaǵalaý talaptaryn kúsheıtýge májbúrlegen. Baǵdat Teltaev sondaı-aq jaqynda ǵana Qaraǵanady oblysynda asfaltqa batyp qalǵan kamazdardyń jaıyna qatysty ótkir syn aıtty.
«Qarańyzshy, adamdar tapa-tal túste adamdar normadan asqan júkti tıep, jolymyzdy buzyp tastady. Ol joldy jóndeý úshin qansha aqsha kerek? Biz urlaǵan adamdy qylmysker dep sottaımyz. Al joldarymyzdy buzyp tastaý - qylmys emes pe!? Otyz jylda memleket jolǵa qanshama mıllıard teńge jumsady. Sol jolymyzdy buzyp jatsa - qylmys emes pe!? Ondaı zań buzǵan adamdardy zań organdaryna shaqyrý kerek. Siz ben biz áli kúnge deıin jolǵa meniki emes, memlekettiki dep qaraıtyn sekildimiz. Sol sebepti, halyqqa osy ózekti máseleniń mánin jetkizsek deımiz», - deıdi B.Teltaev.
