Ár adam zeınetaqy qoryna tabysynyń 10 paıyzyn turaqty aýdaryp otyrǵanda qazir onyń tabysy ınflıatsııa deńgeıinen 1,5 ese joǵary bolatyn edi - Erulan Jamaýbaev
ALMATY. 6 naýryz. QazAqparat - Zeınetaqy qorlarynyń komıssııalyq syıaqylary kórsetkishteriniń deńgeıi áli talqylaýdy qajet etetin másele.
Ony QR Ulttyq bankiniń Astana qalasyndaǵy Úılestirý depatamentiniń dırektory Erulan Jamaýbaev búgin Almatyda ótken baspasóz máslıhatynda aıtty
«Qazir zeınetaqy qorlaryndaǵy máseleler tolyqqandy sheshilip jatyr. Birinshiden, biz aldaǵy aptada parametrlik ózgerister engizýdi kózdep otyrmyz. Oǵan Dúnıejúzilik banktiń kómegi tııýi kerek. Ekinshiden, qarjy uıymdary nemese zeınetaqy qorlary óz qyzmetin tolyǵymen zańdastyrýy qajet. Qandaı da bir olqylyqtar bolyp jatsa, onyń aldyn alý kerek. Úshinshiden, tabysty toltyrýǵa múmkindik beretin qarjy quraldaryn arttyrýǵa jol ashý qajet. Osy úsh máseleni sheshsek, jınaqtalǵan zeınetaqy salymdarynyń mólsheri jetkilikti bolady», - deıdi Erulan Kenjebekuly. Onyń aıtýynsha, «MZJQ» AQ-y komıssııalyq syıaqysyn 2 kórsetkish boıynsha azaıtý arqyly úlgi kórsetip otyr. Bul qordyń tabysyn azaıtqanmen, bolashaq zeınetkerlerdiń tabysyn ósiredi. Eger 1998 jyldan beri ár adam zeınetaqy qoryna óziniń tabysynyń 10 paıyzyn turaqty aýdaryp otyrǵanda, qazir onyń tabysy ınflıatsııa deńgeıinen 1,5 ese joǵary bolatyn edi. Ókinishke oraı keıbir taldaýshylar men buqaralyq aqparat quraldary 3 ne 5 jyldyq kezeńdi bólip alyp, zeınetaqy qorlarynyń tabysy ınfıatsııa deńgeıinen tómen dep júr. Bul durys emes.
