«AQYQ» kollektsııalyq monetalary satylymǵa shyqty
ASTANA. KAZINFORM — Qazaqstan Ulttyq Banki «Sıqyrly nyshandar» serııasynan «AQYQ» kollektsııalyq monetasyn aınalymǵa shyǵarady.
Kollektsııalyq monetalar 2026 jylǵy 27 qazannan bastap QUB https://kazcoins.nationalbank.kz ınternet-dúkeni arqyly satylady.
Kollektsııalyq moneta týraly
«AQYQ» – jartylaı asyl tas. Haltsedon tobyna jatady. Zergerlik buıymdar men sándik zattarda qoldanylady. Monetanyń kórkemdik bezendirilýinen qazaq zerger óneriniń qoltańbasy aıqyn kórinedi: zerdeli sirkeleý ádisi, teris betindegi órnek pen aqyq qondyrmasy ózara jarasym tapqan. Monetanyń joǵarǵy bóliginde alqa baýyn taǵýǵa múmkindik beretin arnaıy baýlyq qarastyrylǵan.
925 synamaly kúmisten daıyndalǵan monetaǵa aqyq tasy qondyrylǵan. Onyń massasy – 20 gramm, dıametri – 33 mm, daıyndaý sapasy – «antique silver», nomınaly – 1 000 teńgelik, daıyndaý taralymy – 5 000 (bes myń) dana.
Kollektsııalyq monetalar Qazaqstan Respýblıkasynyń búkil aýmaǵynda óziniń belgilengen qunyna saı barlyq tólem túrinde qabyldaýǵa, sondaı-aq eldiń barlyq bankinde bank shottaryna esepke alýǵa, aýdarýǵa, usaqtaýǵa jáne aıyrbastaýǵa jatady.
Kollektsııalyq monetalar Qazaqstan teńge saraıynda daıyndaldy.
Buǵan deıin «Qozy Kórpesh – Baıan Sulý» kollektsııalyq monetalary aınalymǵa shyǵatynyn jazǵan edik.
