AqylTech baǵdarlamasy 17 óńirdegi jastarǵa IT jáne JI boıynsha oqytýdy bastady

Ǵylym jáne joǵary bilim mınıstrliginiń baspasóz qyzmeti habarlaýynsha, bul baǵdarlamalar áıelder men jastarǵa arnalǵan jáne tolyqtaı onlaın formatta (//twevent.net/) tegin ótedi. Qatysý úshin arnaıy tehnıkalyq bilim nemese tájirıbe qajet emes, oqytý nólden bastalady.

IT-Aiel baǵdarlamasy barlyq jastaǵy áıelderge arnalǵan. Baǵdarlama jumyssyz áıelderge, dekrettegi analarǵa, kópbalaly jáne zeınet jasyna jaqyndaǵan áıelderge qoljetimdi. Qazirgi ýaqytta 21 000-nan astam áıel osy baǵdarlamany aıaqtaǵan. Onyń ishinde 1 535 qatysýshy jumysqa ornalasyp nemese jasandy ıntellekt salasynda kásip bastaǵan.

AqylTech baǵdarlamasy 18-36 jas aralyǵyndaǵy jastarǵa baǵyttalǵan. Ol Qazaqstannyń 17 óńirin, sonyń ishinde aýyldyq jerler men monoqalalardy qamtıdy. 2025 jyly baǵdarlamaǵa 10 000-nan astam qatysýshy qatysty. 1 500-den astam adam tabysyn arttyrdy nemese tehnologııalyq kompanııalarda jumysqa ornalasty. 

Baǵdarlamalar aıasynda zamanaýı IT jáne jasandy ıntellekt mamandyqtary, qarjylyq saýattylyq, kıberqaýipsizdik, jasandy ıntellekt arqyly tabys tabý jáne onlaın-bıznes ashý sııaqty taqyryptar oqytylady.

Eske salsaq, osyǵan deıin qazaqstandyq medıtsınalyq platforma StartX baǵdarlamasyna iriktelgenin jazǵan edik.