AQQÝ kollektsııalyq monetasy aınalymǵa shyǵady
Monetalardyń satylymǵa shyǵatyn kúnine qatysty aqparat qarjy uıymynyń resmı saıtynda qosymsha habarlanady.
Nomınaly 5 000 jáne 500 teńgelik kúmisten jáne nomınaly 200 jáne 100 teńgelik melhıordan jasalǵan AQQÝ monetalary «Kóshpendilerdiń ǵıbadat janýarlary – totemderi» serııasyn jalǵastyrady.
Bul serııa monetalarynyń dızaıny «saqtardyń ań stıli» dep ásirelep berilgen janýardyń natýralıstik jáne trafarettik keskininiń úılesýine negizdelgen.
Kóne túrkiler uǵymynda aqqý eń ejelgi totemderdiń biri, áýlıe ana jáne urpaq jalǵastyrýshy pir – Umaı bolyp sanalǵan.
Nomınaly 5 000 teńgelik jáne 500 teńgelik AQQÝ monetalarynyń sıpattamasy
Monetalar altyn jalatý tehnologııasymen jáne gaýhar tasyn qondyrý arqyly daıyndaldy. Monetalardyń bet jaǵy men syrtqy kelbetindegi beıneleri birdeı. Bet jaǵynda (aversinde) ulttyq oıý-órnektiń qorshaýynda soǵylǵan jyly, nomınaly, Qazaqstan teńge saraıynyń taýar belgisi men moneta daıyndalǵan metall, onyń synamasy men massasy týraly jazba bar. Aınaldyra – QAZAQSTAN RESPÝBLIKASY • REPUBLIC OF KAZAKHSTAN dep jazylǵan.
Monetalardyń ekinshi betinde (reversinde) dıametri 2 mm gaýhar ornatylǵan aqqýlardyń natýralıstik jáne trafarettik beınesinen kompozıtsııa, monetanyń joǵary bóliginde «AQQÝ» jazýy kórinis tapqan.
Monetany aınaldyra dekoratıvtik resimdeý elementteri bar úlken jıek júrgizilgen.
Nomınaly 200 jáne 100 teńgelik AQQÝ monetalarynyń sıpattamasy
Moneta aversiniń ortalyq bóliginde ulttyq oıý-órnektiń qorshaýynda Qazaqstan Respýblıkasynyń eltańbasy, Qazaqstan teńge saraıynyń taýar belgisi jáne moneta daıyndalǵan metall, onyń synamasy men massasy týraly jazba beınelengen.
Aınaldyra – QAZAQSTAN RESPÝBLIKASY jáne REPUBLIC OF KAZAKHSTAN dep jazylǵan. Joǵary jaǵynda soǵylǵan jylyn bildiretin «2021» degen jazý, tómengi bóliginde nomınalyn bildiretin «500 TEŃGE» degen jazý ornalasqan.
Monetalardyń reversinde aqqýlardyń natýralıstik jáne trafarettik beınesinen kompozıtsııa, monetanyń joǵary bóliginde AQQÝ jazýy basylǵan.
Aınaldyra dekoratıvtik resimdeý elementteri bar úlken jıek júrgizilgen.
Barlyq moneta naqty quny boıynsha Qazaqstannyń búkil aýmaǵynda tólemderdiń kez kelgen túri boıynsha qabyldaýǵa, sondaı-aq Qazaqstan Respýblıkasynyń barlyq bankindegi shottarda aýdarýǵa, usaqtaýǵa jáne aıyrbastaýǵa jatady.
Kúmisten jasalǵan monetalar kádesyı oramynda memlekettik tilde, orys jáne aǵylshyn tilderinde QUB nómirlik sapa sertıfıkatymen shyǵarylady.
Kollektsııalyq moneta Qazaqstan teńge saraıynda daıyndalǵan.
