Aqjaiyq ÁKK jer telimderin berýde zań talabyn buzǵan
Básekelestikti qorǵaý jáne damytý agenttigi málim etkendeı, BQO boıynsha mamandandyrylǵan aýdanaralyq ákimshilik sotynyń sheshimimen óńirdiń monopolııaǵa qarsy departamentiniń habarlamasy zańdy dep tanyldy.
Anyqtalǵandaı, 2021 jyldyń jeltoqsanynda Batys Qazaqstan oblysy boıynsha monopolııaǵa qarsy departament «Aqjaiyq» ÁKK» AQ qyzmetinen zańnamany buzý belgilerin anyqtady.
Atap aıtqanda, «Aqjaiyq» ÁKK» AQ Úkimet qaýlysymen bekitilgen ınvestıtsııalyq jobalardy iske asyrý úshin basym qyzmet túrleriniń tizbesine qaıshy keletin turǵyn úıler, avtojanarmaı quıý stantsııalary, saýda alańdary jáne basqa nysandar salý úshin jer telimderin bergeni belgili boldy.
ÁKK qurylǵan sátten bastap 2019 jylǵy jeltoqsanda birlesken ınvestıtsııalyq jobalardy iske asyrý úshin barlyǵy 32 jer telimi berilse, sonyń 23-i Úkimet belgilegen tizbege sáıkes kelmeıdi.
Anyqtalǵan faktiler negizinde BQO boıynsha monopolııaǵa qarsy departament «Aqjaiyq» ÁKK» AQ atyna Qazaqstan Respýblıkasynyń básekelestikti qorǵaý salasyndaǵy zańnamasyn buzý belgileriniń bar ekendigi týraly habarlama jiberdi.
«Aqjaiyq» ÁKK» AQ osy habarlamaǵa baılanysty BQO mamandandyrylǵan aýdanaralyq ákimshilik sotyna shaǵym túsirdi. Al atalǵan sot bıylǵy 15 sáýirdegi sheshimimen ÁKK-niń monopolııaǵa qarsy departamenttiń habarlamasyn zańsyz dep taný jáne kúshin joıý týraly talabyn qanaǵattandyrýdan bas tarty.
«Sot «Aqjaiyq» ÁKK» AQ-nyń Aýyl sharýashylyǵy mınıstrliginiń atyna jer zańnamasynda anyqtalǵan buzýshylyqtar týraly jáne Batys Qazaqstan oblysynyń prokýratýrasyna jergilikti atqarýshy organnyń laýazymdy tulǵalarynyń is-áreketterinen, jer telimderin berý kezinde anyqtalǵan qylmystyq quqyq buzýshylyq belgileri týraly jeke qaýlylar shyǵardy. BQO MAÁS-tyń sheshimi men jeke qaýlylyry kúshine engen joq», dep habarlady vedomstvodan.