Aptaptyń beti qaıtty: Aldaǵy úsh kúnde jaýyn jaýyp, kún kúrkireıdi
NUR-SULTAN. QazAqparat - Sınoptıkter 25-27 shilde aralyǵyna arnalǵan aýa raıy boljamyn jarııa etti, dep habarlaıdy QazAqparat Qazgıdrometke silteme jasap.
Jaqyn kúnderi atmosferalyq frontaldy bólikterdiń ótýine baılanysty Qazaqstannyń basym bóliginde jańbyr jaýyp, batysta, soltústikte jáne shyǵysta keı jerlerde nóser jańbyr jaýady. Keı jerlerde kún kúrkirep, jel soǵady. Burshaq jaýýy múmkin.
Tek respýblıkanyń ońtústik oblystarynda ǵana jaýyn-shashynsyz aýa raıy saqtalady. Biraq birtindep aptap ystyqtyń beti qaıtady. Aýanyń eń joǵary temperatýrasy plıýs 33...40°S shamasynda bolady.
