Aptap ystyqtyń saldarynan Nur-Sultan men 4 oblysta eskertý jarııalandy
NUR-SULTAN. QazAqparat – Aptap ystyqtyń saldarynan Qazaqstannyń 4 oblysynda eskertý jarııalandy, dep habarlaıdy QazAqparat «Qazgıdromet» RMK-na silteme jasap.
Kásiporyn taratqan málimetterge qaraǵanda, 15-16 shildede Soltústik Qazaqstan oblysynyń birqatar aýmaqtarynda 37 gradýs ystyq bolady.
Shildeniń 15, 16 kúnderi kúndiz Aqmola oblysynda kún qatty ysyp, 35-38 gradýsqa jetedi.
Nur-Sultanda 16 shilde kúni kúndiz 35 gradýs ystyq bolady.
15 shilde kúni Qostanaı oblysynda aptap ystyq bolyp, aýa temperatýrasy 36, keı jerlerde 39 gradýsqa jetedi.
15 shildede sondaı-aq Qyzylorda oblysynda soltústik-shyǵystan, shyǵystan jel soǵyp, ońtústik-batysqa qaraı oıysady, keı jerlerde jyldamdyǵy sekýndyna 15-20 metrge jetedi.
Kúndiz eldiń basym bóligine aýa temperatýrasy 43°S jetedi.
