Aptap ystyqtan Tashkent metrosynda poıyzdardyń jyldamdyǵy shekteldi

TAShKENT. QazAqparat – Ózbekstan astanasynda aptap ystyq saldarynan metropolıtenniń jekelegen ýchaskelerinde poıyzdardyń jyldamdyǵy shekteldi, dep habarlaıdy QazAqparat menshikti tilshisi.

Tashkent metrosynyń baspasóz qyzmetiniń habarlaýynsha, ystyq aýa raıy temirjol tóseminiń relsteri men bolat bólshekteriniń qyzyp ketýine sebep bolýda, olardyń temperatýrasy +70 gradýsqa jetýi múmkin.

«Temirjoldardy paıdalaný erejelerinde relsterdiń temperatýrasy +55 gradýstan joǵary bolǵan kezde poezdar qozǵalysynyń jyldamdyǵy tómendetilýi tıis ekeni belgilengen. Atap aıtqanda, relsterdiń temperatýrasy +60 gradýstan joǵary bolǵan kezde poezdar qozǵalysynyń jyldamdyǵy 40 km/saǵ, +65 gradýsta – 25 km/saǵ-tan aspaýy tıis, al +70 gradýs bolǵan kezde poezdar qozǵalysyna tyıym salynady», - dep habarlady vedomstvodan.

Osyǵan baılanysty, jolaýshylardyń qaýipsizdigin qamtamasyz etý maqsatynda jerústi aınalma joly men metropolıtenniń Sergeli tarmaǵy ýchaskelerinde poezdar qozǵalysynyń jyldamdyǵyna ýaqytsha shekteý engizildi.

Buǵan deıin habarlanǵandaı, úsh kún ishinde Ózbekstanda aptap ystyq saldarynan 4 myńnan astam adam aýrýhanaǵa jatqyzyldy.

Foto:telegram.org