Aptap ystyqtan Qostanaı astyǵy merziminen erte pisti
QOSTANAI. QazAqparat - Qostanaı oblysynyń sharýalary astyq orý naýqanyna merzimnen erte, jarty aı buryn kiristi. Bul aımaqtaǵy ystyq aýa raıynan astyqtyń erte pisýimen baılanysty.
Qostanaı oblysy ákiminiń birinshi orynbasary Ǵaýez Nurmuhambetovtyń aıtýynsha, «birneshe aýdannyń sharýalary kombaınmen alǵash sebilgen astyqty jınaýǵa kirisip ketken».
Egin dalasyndaǵy ahýal ońaı emes: kúndiz aýa temperatýrasy 30-35 gradýstan asyp ketedi, bul kópjyldyq kórsetkishten 5 gradýsqa joǵary. Topyraqtaǵy temperatýra 65-70 gradýsqa deıin barady.
Ǵ. Nurmuhambetov sharýalar óz jumysyn jemisti atqarsa jáne sáti tússe 5 mıllıon tonnaǵa jýyq ónim túsedi dep boljap otyr.
Qostanaı oblysynyń aýyl sharýashylyq óndirýshileri jeńildikpen berilgen dızel janarmaıny belsendi túrde qoldanyp jatyr. Olarǵa jalpy kólemi 75 myń tonna janarmaı berilgen. Elevator jumysymen qamtamasyz etý úshin oblystyq ákimdik qosymsha janarmaı bólýdi surap, Aýyl sharýashylyǵy mınıstrligine ótinish jazdy.
