Aptap ystyqta kólikte umyt qalǵan sábı ajal qushty
ASTANA. QazAqparat - Anasy shyjyǵan ystyqta kólik ishinde qaldyryp ketken búldirshin aýrýhanada kóz jumdy.
Keleńsiz jaǵdaı keshe Italııada, San-Djovannı-Lýpatoto qalasynda boldy, dep habarlaıdy jergilikti BAQ.
Salaq áıel osylaısha ulynan aıyryldy. Ony búkil otbasy izdep, aqyrynda basynan kún ótken sábıdi avtomobıl ishinen ázer tapqan.
Oqıǵa ornyna kelgen dárigerler búldirshindi shuǵyl aýrýhanaǵa jetkizgenimen ajaldan arashalap qala almady. Bala esin jımaı kóz jumdy.
Sábıdiń ata-anasynyń ústinen qylmystyq is qozǵaldy. Anasy aptap ystyqta balasyn mashınada umyt qaldyrdy ma, álde onyń ózi kirgen be, polıtsııa osyny anyqtaýdy qolǵa aldy.
