Aptap ystyqqa qaramastan Qazaqstanda astyqtyń kólemi ortasha jyldyq deńgeıde bolady - A. Mamytbekov
ASTANA. 19 shilde. QazAqparat - Qurǵaqshylyqqa qaramastan, 2012 jyly Qazaqstanda astyqtyń kólemi ortasha jyldyq deńgeıde bolady.
Bul týraly búgin Astanada "Veterınarlyq qaýipsizdik - Qazaqstannyń mal sharýashylyǵyn turaqty damytýdyń negizi" konferentsııasy barysynda QR Aýyl sharýashylyǵy mınıstri Asyljan Mamytbekov málim etti.
Eske sala keteıik, Qostanaı oblysyndaǵy aptap ystyq pen jańbyrdyń joqtyǵy egistiktiń birshama bóligin kúıdirip tastaǵany týraly budan buryn habarlanǵan bolatyn. Mamandar Qostanaı oblysynyń egin alqaptarynyń shamamen 5-shi bóligin «jaramsyz» dep tanydy.
«Kelesi aptada Qostanaı oblysyna baratyn bolamyz. Qazirgi ýaqytta bizdiń aqparatymyz boıynsha, mundaı jaǵdaı oblystyń barlyq aýmaqtarynda emes, keıbir jerlerinde, mysaly Qostanaıdyń ońtústik jáne batys aýmaqtarynda oryn alyp otyr. Biraq bıyl bıdaıdyń baǵasy joǵary bolýy yqtımal. Ónimdiliktiń túsýi, baǵanyń ósýimen tolyqtyrylyp otyrady. Bıylǵy jańbyr birkelki emes, keıbir jerlerinde jańbyr jaýǵan bolsa, keıbir aımaqtaryna tamshy da túspegen. Sondyqtan birkelki aıtýǵa bolmaıdy, keıbir jerleri óte jaqsy, al basqa tustarda jaǵdaı nashar. Jalpy aıtqanda bizdiń josparymyz ortasha jyldyq deńgeıde bolady», - dedi mınıstr.
AShM málimetterine sáıkes, ortasha alǵanda egin jınaýdyń naqty kólemi ár gektardan 7-8 tsentnerden, ıaǵnı 14 mln. tonna bolýy ábden yqtımal.
