Aptap ystyqqa baılanysty Tashkent metrosynyń jyldamdyǵy shekteldi
TAShKENT. ÓzA-QazAqparat - Tashkent metropolıteniniń ákimshiligi aptap ystyq aýa raıyna baılanysty kúndizgi ýaqytta jer ústi jelilerindegi poıyzdar jyldamdyǵy shekteletinin málimdedi, dep habarlaıdy QazAqparat ÓzA-ǵa silteme jasap.
«Temperatýranyń kúrt kóterilýi nátıjesinde qozǵalys qaýipsizdigin qamtamasyz etý maqsatynda poıyzdar Tashkenttiń jet ústi aınalma jolynda saǵat 18:00-ge deıin shekteýli jyldamdyqpen (30-35 km / saǵ) júredi», - delingen resmı málimette.
Metropolıten ákimshiliginiń dereginde, poıyzdar jyldamdyǵy kúnniń qaı kezinen bastap shekteleri jáne bul jaǵdaı qansha ýaqytqa deıin jalǵasatyny týraly málimet aıtylmaǵan.
Osy oraıda aıta ketetin jaıt, Ózbekstanda sońǵy 80 jyl ishindeg3 absolıýtti maksımal temperatýra tirkeldi. «Ýzgıdromettiń» habarynda 31 mamyr kúni Buharada 43 gradýs ystyq tirkelgen.
