Aptap ystyq, jańbyr jáne jel: Beısenbi kúnine aýa raıy boljamy
NUR-SULTAN. QazAqparat – Elimizdiń jeti óńirinde aptap ystyq bolady, sonymen qatar jel kúsheıip, jańbyr jaýady, dep habarlaıdy QazAqparat Qazgıdrometke silteme jasap.
«1 tamyzda frontaldyq bólikterdiń ótýine baılanysty Qazaqstannyń basym bóliginde qubylmaly aýa raıy saqtalady, elimizdiń keı jerlerińde jańbyr jaýyp, naızaǵaı jarqyldaıdy, batysta jáne soltústik batysta qatty nóser jaýady. Tek respýblıkanyń ońtústigi men shyǵysynda kún raıy ashyq bolady. Keı jerlerde jel kúsheıedi, daýyl, shańdy daýyl kútiledi, burshaq jaýýy múmkin, túnde jáne tańerteń tuman kútiledi», delingen sınoptıkterdiń boljamynda.
Batys Qazaqstan oblysynyń keı jerlerinde daýyl, burshaq kútiledi, jel 15-20, keı jerlerde ekpini 23-28 m/s kúsheıedi.
Qyzylorda, Atyraý, Aqtóbe oblystarynyń keı jerlerinde daýyl, túnde jel 15-20 m/s kúndiz 15-20, keı jerlerinde 23-25 m/s kúsheıedi, Atyraý oblysynyń keı jerlerinde burshaq jaýýy múmkin.
Soltústik Qazaqstan oblysynyń keı jerlerinde daýyl, burshaq kútiledi, túnde jáne tańerteń túman túsedi, kúndiz jel 15-20, ekpini 23-28 m/s kúsheıedi.
Qostanaı oblysynyń keı jerlerinde burshaq jaýýy múmkin, túnde jel 15-20, kúndiz 15-20 keı jerlerde 23-25 m/s kútiledi.
Aqmola, Jambyl oblystarynyń keı jerlerinde kúndiz daýyl, burshaq kútiledi, jel 15-20, Aqmola oblysynda ekpini 25 m/s kúsheıedi.
Almaty, Pavlodar, kúndiz Túrkistan, Mańǵystaý, Qaraǵandy oblystarynyń keı jerlerinde jel 15-20 m/s kútiledi, Pavlodar oblysynda burshaq, kúndiz Qaraǵandy oblysynda daýyl, túnde Mańǵystaý oblysynda tuman kútiledi.
Kúndiz Aqmola, Jambyl, Qyzylorda, Pavlodar, Shyǵys Qazaqstan oblystarynyń basym bóliginde, Soltústik Qazaqstan, Qaraǵandy oblystarynyń keı jerlerinde qatty ystyq kútiledi.
Qyzylorda, Túrkistan, Jambyl, Almaty, Qaraǵandy oblystarynda, Aqtóbe, Shyǵys Qazaqstan, oblystarynyń keı jerlerinde óte joǵary órt qaýipi saqtalady.
