Aptap ystyq, shańdy daýyl, jel - 15 shildege arnalǵan aýa raıy boljamy

NUR-SULTAN. QazAqparat - Sınoptıkter 15 shilde, juma kúni Qazaqstan aýmaǵynda aýa raıy qandaı bolatynyn aıtty, dep habarlaıdy QazAqparat Qazgıdrometke silteme jasap.

Antıtsıklon Qazaqstannyń ońtústigi, ońtústik-shyǵysy, ońtústik-batysy men ortalyǵynda jaýyn-shashynsyz, ashyq aýa raıyn qalyptastyrady.

Al elimizdiń qalǵan terrıtorııasynda atmosferalyq fronttarǵa baılanysty naızaǵaı jarqyldap, ótkinshi jańbyr jaýady, jel kúsheıedi.

Eldiń ońtústik-batysynda, ońtústiginde - shańdy daýyl, batysynda – burshaq, soltústiginde túnde jáne tańerteń tuman túsedi.

Túrkistan, Qyzylorda, Atyraý oblystarynyń basym bóliginde, Batys Qazaqstan oblysynyń ońtústiginde, Jambyl oblysynyń batysynda, ońtústiginde tótenshe órt qaýpi saqtalady.

Kúndiz Aqmola, Soltústik Qazaqstan, Almaty, Túrkistan, Atyraý, Aqtóbe, Qostanaı, Ulytaý, Qyzylorda oblystarynyń basym bóliginde, Batys Qazaqstan, Qaraǵandy oblystarynyń ońtústiginde qatty ystyq bolady.

Kúndiz Mańǵystaý oblysynyń basym bóliginde, Atyraý, Aqtóbe, Qostanaı oblystarynyń ońtústiginde aptap ystyq saqtalady.