Aptap ystyq, kúshti jel, jańbyr – senbige arnalǵan aýa raıy
NUR-SULTAN. QazAqparat – Sınoptıkterdiń boljaýynsha senbi kúni elimizde qatty ystyq bolyp, keı jerlerde jel turyp, jańbyr jaýýy yqtımal, dep habarlaıdy QazAqparat Qazgıdrometke siltemıe jasap.
«18 shildede elimizdiń basym bóliginde atmosferalyq aǵyn bólikteriniń yqpalynan naızaǵaı oınap, jańbyr jaýady, soltústik-batysta jáne ortalyqta burshaq jaýýy yqtımal. Tek elimizdiń ońtústiginde jáne shyǵysynda jaýyn-shashynsyz bolady. Keı jerlerde jel kúsheıip, ońtústik-shyǵysta shańdy daýyl soǵýy múmkin», delingen habarlamada.
Táýlik boıy Atyraý, Batys Qazaqstan, Pavlodar, Shyǵys Qazaqstan oblystarynyń basym bóliginde, tańerteń jáne kúndiz Jambyl, Qostanaı, kúndiz Aqmola, Almaty, Aqtóbe, Soltústik Qazaqstan oblystarynyń keı jerlerinde jel 15-22 m/s kúsheıedi.
Almaty oblysynda shańdy daýyl soǵady.
Qostanaı oblysynyń keı jerlerinde burshaq jaýy múmkin.
Qaraǵandy oblysynyń keı jerlerinde jel 15-20 m/s kúsheıip, ekpini 23-28 m/s jetedi, daýyl soǵýy jáne burshaq jaýýy yqtımal.
Kúndiz Almaty, Jambyl, Túrkistan, Qyzylorda, Qostanaı, Soltústik Qazaqstan, Aqmola, Pavlodar, Qaraǵandy oblystarynda, Shyǵys Qazaqstan oblysynyń ońtústiginde qatty ystyq bolýy múmkin.
Atyraý, Aqtóbe, Mańǵystaý, Batys Qazaqstan oblystarynda óte qatty ystyq bolýy yqtımal.
Atyraý, Aqtóbe oblystarynda, Qyzylorda, Batys Qazaqstan oblystarynyń basym bóliginde, Qaraǵandy, Jambyl, Túrkistan oblystarynyń keı jerlerinde, Almaty oblysynyń batysynda joǵary órt qaýipi bar.
