Aptap ystyq, daýyl, naızaǵaı: Tórt óńirde eskertý jarııalandy
NUR-SULTAN. QazAqparat - Aýa raıynyń buzylýyna baılanysty elimizdiń birqatar óńirinde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
25 mamyrda Aqtóbe oblysynda keı jerlerinde naızaǵaı jarqyldap, daýyl soǵady. Ońtústik-batystan soǵatyn jel soltústik-batysqa aýysady. Jeldiń kúshi keı jerlerde 18 m/s jetedi.
Kúndiz 25 mamyrda Atyraý oblysynyń keı jerlerinde jáne Atyraý qalasynda soltústik jáne soltústik- shyǵystan soǵatyn jel qarqyny 15-20 m/s bolady.
25 mamyrda Mańǵystaý oblysynyń keı jerlerinde shańdy daýyl turady. Soltústik- batystan soqqan jel soltústik-shyǵysqa aýysady. Jel jyldamdyǵy - keı jerlerde 15-20 m/s.
Kúndiz keı jerlerde 40 gradýs aptap ystyq bolady.
25 mamyrda Qyzylorda oblysynyń keı jerlerinde shańdy daýyl soǵady. 25 mamyrda shyǵystan jel soǵady. Túnde keı jerlerde jeldiń ekpini - 15-20 m/s, kúndiz keı jerlerde - 25 m/s deıin kúsheıedi.
