Aptap ystyq, burshaq, tuman - Juma kúngi aýa raıy
NUR-SULTAN. QazAqparat – 29 mamyrda bes oblys aýmaǵynda aptap ystyq bolady. Keı óńirlerde jel kúsheıip, burshaq jaýady, tuman túsýi yqtımal, dep habarlaıdy QazAqparat Qazgıdrometke silteme jasap.
29 mamyrda Qazaqstannyń basym bóligi joǵary qysym aýmaǵynda bolǵandyqtan, jaýyn-shashynsyz aýa raıy kútiledi. Tek elimizdiń soltústiginde jáne soltústik-batysynda tsıklon yqpalynan keı jerlerde ótkinshi jańbyr jaýady, naızaǵaı oınap, daýyl kútiledi, burshaq jaýýy múmkin. Keı jerlerde jel kúsheıedi, ońtústikte shańdy daýyl saqtalady, ońtústik-batysta – tuman túsedi.
Soltústik Qazaqstan oblysynyń keı jerlerinde daýyl soǵady, burshaq jaýady, jeldiń jyldamdyǵy 15-20 m/s, kúndiz jeldiń ekpini 25 m/s jetedi. Túnde jáne tańerteń tuman túsýi múmkin.
Jambyl, Túrkistan, Qostanaı, Aqmola, Shyǵys Qazaqstan, túnde Almaty, kúndiz Qyzylorda, Batys Qazaqstan, Pavlodar, Qaraǵańdy oblystarynyń keı jerlerinde jeldiń kúsheıip jyldamdyǵy 15-20 m/s jetedi.
Jambyl oblysynda shańdy daýyl soǵady.
Mańǵystaý oblysynyń keı jerlerinde tuman túsýi múmkin.
Atyraý, Aqtóbe, Mańǵystaý oblystarynyń keı jerlerinde, Qostanaı oblysynyń ońtústiginde, Batys Qazaqstan oblysynyń ońtústik-shyǵysynda qatty aptap ystyq bolady.
Pavlodar, Shyǵys Qazaqstan, Qyzylorda, Aqmola oblystarynyń keı jerlerinde óte joǵary órt qaýpi saqtalady.
