Aptap ystyq basyldy: Sınoptıkter aldaǵy úsh kún aýa raıy qandaı bolatynyn aıtty
NUR-SULTAN. QazAqparat - Sınoptıkter 4-6 shilde aralyǵyndaǵy aýa raıy boljamyn jarııalady, dep habarlaıdy QazAqparat «Qazgıdromet» RMK silteme jasap.
Qazaqstannyń batysy men soltústiginiń keı jerlerinde nóser jańbyr jaýǵyzǵan bıiktegi tsıklon Batys Sibirge baıaý jyljyp, tolyǵady. Troposferalyq aǵyndar endikke aýysa bastaıdy, ıaǵnı aýa massalary Atlantıkadan keledi. Sondyqtan, soltústik oblystarda áli de biraz ýaqyt jańbyr jaýady. Al respýblıkanyń ońtústik oblystary joǵary atmosferalyq qysymnyń áserinde bolady.
Soltústik oblystarda ortasha kópjyldyq mánge jýyq aýa temperatýrasymen jyly aýa raıy kútiledi. Ońtústik oblystarda aýa temperatýrasy klımattyq normadan joǵary dep boljanǵanymen, 40 gradýstyq ystyq bolmaıdy.
