Aptap ystyq bastalǵaly sýǵa ketý oqıǵalary jıilep ketti - ShQO

ÓSKEMEN. QazAqparat - Shyǵys Qazaqstan oblysynyń qutqarýshylary dabyl qaǵýda. Óńirde aptap ystyq bastalǵaly sýda batý oqıǵalary jıilep ketti, dep habarlaıdy QazAqparat ShQO TJD baspasóz qyzmetine silteme jasap.

Keshe keshke Kúrshim aýdanynyń JQB qyzmetkerleri Kúrshim ózeninen er adamnyń denesin shyǵardy. Qutqarýshylarǵa shaqyrý ózenge shomylý kezinde batyp bara jatqan adamdy baıqaǵan azamattan kelip tústi. Aldyn ala sebep - tyıym salynǵan jerde shomylý.

TJD qyzmetkerleri polıtsııa qyzmetkerlerimen jáne volonterlermen birlesip, shomylýǵa tyıym salynǵan oryndar boıynsha 1976 reıd uıymdastyrdy, onyń barysynda demalýshylarmen áńgimeler júrgizildi, jadynamalar taratyldy. Degenmen halyq áli de tyıym salynǵan jáne belgilenbegen oryndarda shomylýdy jalǵastyrýda. Bul qaıǵyly oqıǵalarǵa ushyratyp jatyr.

Shomylý maýsymy bastalǵannan beri oblysta 10 adam sýǵa ketti, onyń ishinde úsheýi - bala.