Aptap ystyq adam densaýlyǵyna nesimen qaýipti
ALMATY. QazAqparat – Aptap ystyqtyń adam densaýlyǵyna qalaı áser etetinin №7 qalalyq emhanansynyń jalpy praktıka dárigeri Botagóz Jampozova aıtyp berdi, dep habarlaıdy «QazAqparat».
Mamannyń aıtýynsha, ystyq kúnde ózińizdi qorǵaý úshin qarapaıym erejelerdi saqtaý kerek.
«Shilde-tamyz aılarynda bizge ásirese balalar kóp keledi, olardyń basym bóligi sol kún ótkizip alady. Olar qusý, júrek aıný, dıareıa jáne murynnan qan ketý sııaqty sımptomdarǵa shaǵymdanady. Eresekter ádette bas aınalyp, bas aýrýyna shaǵymdanady, kóbinese olardyń qan qysymy kóterilip, murynnan qan ketedi, 65 jastan asqan adamdarda sozylmaly aýrýlar da kúsheıedi. Mundaı jaǵdaılarda ýaqtyly medıtsınalyq kómek kórsetý qajet. Sondaı-aq, patsıentterdiń ózderi dárigerlerdiń barlyq usynystaryn saqtaýy mańyzdy», - dedi № 7 qalalyq emhananyń sharýashylyq júrgizý quqyǵyndaǵy MQK jalpy praktıka dárigeri Botagóz Jampozova.
Onyń aıtýynsha, eger kún saıyn bir dáriger 25 adamdy qabyldasa, 3-4 patsıentten kún ótkeni dál anyqtalady.
«Kúndiz kún sáýleleri ásirese belsendi kezde asa qajettilik bolmasa dalaǵa shyǵýdyń keregi joq. Al eger siz jumystaryńyzben bir jaqqa barýyńyz kerek bolsa, tabıǵı matadan, maqtadan nemese zyǵyrdan jasalǵan jeńil jáne bos kıim kıgenińiz abzal. Ózińizben birge aýyz sý alyp júrińiz. Ashyq tústi kıim men bas kıim kıińiz. Kózińizge kózildirik taǵýdy da umytpańyz», - dep qorytyndylady dáriger.
Buǵan deıin juqpaly aýrýlar dárigeri aptap ystyqtyń bastalýyna baılanysty ishek ınfektsııalarynyń aldyn alý týraly da týraly aıtqan bolatyn
