Aptap, naızaǵaı, jel: 25 tamyzǵa arnalǵan aýa raıy boljamy

NUR-SULTAN. QazAqparat - Soltústik batys antıtsıklonynyń áserinen búgin de Qazaqstannyń basym bóliginde jaýyn-shashynsyz aýa raıy saqtalady, dep habarlaıdy QazAqparat.

Qazgıdromet málimetinshe, tek elimizdiń ońtústik-shyǵysynda, shyǵysynda, soltústiginde atmosferalyq fronttarǵa baılanysty jańbyr jaýyp, naızaǵaı oınaıdy.

Respýblıka boıynsha keı jerlerde jel kúsheıedi, túngi jáne tańǵy ýaqytta elimizdiń shyǵysynda tuman túsedi.

Qyzylorda oblysynda, Túrkistan oblysynyń basym bóliginde, Batys Qazaqstan oblysynyń ońtústik-batysynda, Atyraý oblysynyń batysynda, shyǵysynda, Abaı oblysynyń ońtústiginde tótenshe órt qaýpi saqtalady.

Kúndiz Atyraý oblysynyń basym bóliginde, Batys Qazaqstan oblysynyń ońtústik-batysynda qatty ystyq saqtalady.

Nur-Sultan qalasynda kóshpeli bult shyǵady, jaýyn-shashyn jaýmaıdy. Soltústikten jel soǵady, ekpini - túnde 2-7, kúndiz 7-12 m/s. Aýa temperatýrasy túnde 6-8, kúndiz 23-25 gradýs jyly bolady.

Almaty qalasynda da aspan kóshpeli bultty, tańerteń jáne kúndiz jańbyr jaýady. Ońtústik-shyǵystan jel soǵady, qarqyny 13 m/s jetedi. Aýanyń temperatýrasy túnde 14-16, kúndiz 24-26 gradýs jyly bolady.

Shymkent qalasynda kóshpeli bult, jaýyn-shashynsyz. Soltústik-shyǵystan jel soǵady, kúshi - 8-13 m/s. Aýa temperatýrasy túnde 14-16, kúndiz 30-32 gradýs jyly bolady.