Aptap ystyqtan baldyrlar Italııadaǵy jaǵajaılardy basyp qalǵan
ASTANA. KAZINFORM – Italııanyń Ankona qalasyna jaqyn jerde birneshe apta boıy baldyrlar Adrıatıka teńiziniń betin basyp qaldy. Bul tabıǵı qubylys sýdyń temperatýrasy kóterilgen kezde bolady jáne mundaı jaǵdaı Eýropanyń barlyq teńizinde kezdesedi. Bul týraly Euronews jazdy.
Jazǵy demalysyn Adrıatıka teńiziniń jaǵajaılarynda ótkizgen demalýshylar sý betinde qalqyp turǵan baldyrlardy baıqaǵan. Olar shomylýǵa kelgen adamdar úshin qaýipti dep sanalmasa da, denege jabysyp qalady.
Demalýshy týrıster baldyrlardyń shyryshty ári jabysqaq ekenin sýdan shyqqanan soń sezgen.
Baldyrlar sanynyń kóbeıýi Italııanyń soltústik aımaqtarynda da baıqalady.
Ulttyq muhıttaný jáne qoldanbaly geofızıka ınstıtýtynyń esebine sáıkes, Trıest shyǵanaǵyndaǵy baldyrlardyń mólsheri 2007 jyldan beri eń joǵary deńgeıge jetken.
