Aptap ystyqta basqa kún ótýden qalaı saqtaný kerek

ÓSKEMEN. KAZINFORM — Shyǵys Qazaqstan oblysynyń qutqarýshylary aptap ystyqta basqa kún ótýden qalaı saqtaný kerektigin túsindirdi. 

Óńirde 5 shildede kún ysıdy. «Kazgıdromet» RMK málimetinshe, oblys aýmaǵynda +33 pen +38, al ońtústik bóliginde +42 gradýsqa deıin ystyq bolady.

Osyndaı aptap ystyqta bastan kún ótý qaýpi artady. Bul eń aldymen balalarǵa, qarttarǵa, sozylmaly aýrýy bar adamdarǵa asa qaýipti.

— Kún ótý belgilerine álsizdik, bastyń aınalýy men aýyrsynýy, júrek aıný, qusý, teriniń qyzarýy, qurǵaýy, júrektiń jıi soǵýy jatady. Sondyqtan turǵyndardan qaýipsizdikti qaperden shyǵarmaýdy suraımyz, — dep habarlady ShQO Tótenshe jaǵdaılar departamentinen.

Qutqarýshylar ystyqta basqa kún ótýden saqtaný úshin kelisideı keńester berdi:

— Saǵat 11:00 men 17:00 aralyǵynda kún astynda júrmeýge tyrysyńyz;

— Ashyq tústi, jeńil kıim men bas kıim kıińiz;

— Táýlik boıy jetkilikti mólsherde sý iship júrińiz;

— Kún ysyǵan kezde aýyr dene jattyǵýlarynan bas tartyńyz;

— Kúnnen qorǵaıtyn quraldardy qoldanyńyz.

Eske salsaq, osyǵan deıin Frantsııada aptap ystyqtan eki adam qaza bolǵany habarlanǵan.