Aptap ystyqqa baılanysty Ózbekstannyń eki oblysyndaǵy balabaqshalar ýaqytsha jabyldy
TAShKENT. KAZINFORM — Aptap ystyqqa baılanysty Ózbekstannyń Horezm jáne Naýaı oblystaryndaǵy memlekettik balabaqshalardyń jumysy ýaqytsha toqtatyldy, dep habarlaıdy Kazinform agenttiginiń Tashkenttegi menshikti tilshisi.
Resmı málimetke sáıkes, eki óńirdegi balabaqshalar 14-17 shilde aralyǵynda jumys istemeıdi. Bul sheshim Sanıtarııalyq-epıdemıologııalyq salaýattylyq jáne qoǵamdyq densaýlyq komıtetiniń usynysymen qabyldandy.
Uzhydromet boljamyna saı, 17 shildege deıin Ózbekstanda aptap ystyq júredi. Respýblıka aýmaǵynyń basym bóliginde aýa temperatýrasy +43 gradýsqa, al eldiń soltústik, ońtústik jáne shóleıt aımaqtarynda +46 gradýsqa deıin kóteriledi.
Eske salaıyq, buǵan deıin Qaraqalpaqstandaǵy balabaqshalar ýaqytsha jabylǵan edi.
Qosa ketsek, 2026 jyly Jer tarıhtaǵy eń ystyq maýsymdardyń birin bastan keshirdi, muhıt temperatýrasy jańa rekordqa jetti.
Sondaı-aq, aptap ystyqtan Frantsııada segiz ıadrolyq reaktordyń qýaty tómendetildi.
