Aptap ystyqqa baılanysty Ózbekstanda poıyzdardyń jyldamdyǵy tómendeıdi
TAShKENT. KAZINFORM – Ózbekstanda aptap ystyqqa baılynysty poıyzdardyń júrý jyldamdyǵyna shekteý engiziledi, dep habarlaıdy Kazinform agenttiginiń Tashkenttegi menshikti tilshisi.
- Aýa temperatýrasy joǵary bolǵan kezde temirjol relsteri men olardyń bolat bólikteri qyzady. Jolaýshylar men poıyzdyń qaýipsizdigin qamtamasyz etý maqsatynda jyljymaly quramnyń qozǵalys jyldamdyǵyna shekteýler engiziledi, - delingen Temiryo‘lekspress kompanııasy tartqan habarlamada.
Osyǵan baılanysty kompanııa poıyzdardyń keshigýi múmkin ekenin eskertti.
Aıta keteıik, keıingi birneshe kún qatarynan Ózbekstanda aptap ystyq júrip jatyr. Ortasha temperatýra +44...+46 gradýs bolsa, keıbir óńirlerde +48 gradýstan joǵary.
Eske salsaq, aptap ystyqqa baılanysty Ózbekstannyń birqatar oblysyndaǵy balabaqshalar ýaqytsha jabyldy.
