Aptap ystyqqa baılanysty Qaraqalpaqstandaǵy balabaqshalar ýaqytsha jabyldy
TAShKENT. KAZINFORM – Aptap ystyqqa baılanysty Qaraqalpaqstannyń birqatar qalasy men aýdandarynda memlekettik jáne jekemenshik balabaqshalardyń jumysy ýaqytsha toqtatyldy, dep habarlaıdy Kazinform agenttiginiń Tashkenttegi menshikti tilshisi.
Qaraqalpaqstannyń Mektepke deıingi jáne orta bilim berý mınıstrliginiń málimetinshe, bul sheshim Sanıtarııalyq-epıdemıologııalyq salaýattylyq jáne qoǵamdyq densaýlyq komıtetiniń usynysymen qabyldandy.
Oǵan saı, endi myna shaharlar men aýdandarda balabaqshalar ýaqytsha jumys istemeıdi:
- Núkis qalasy men Qojeli aýdanynda – 13-18 shilde aralyǵynda;
- Ámýdarııa aýdanynda – 13-15 shilde aralyǵynda;
- Berýnı, Taqııatas, Shomanaı, Moınaq, Qanlykól jáne Tórtkúl aýdandarynda – 13-17 shilde aralyǵynda.
Uzhydromet boljamyna saı, 13-17 shilde aralyǵynda Ózbekstanda aptap ystyq júredi. Respýblıka aýmaǵynyń basym bóliginde aýa temperatýrasy +43 gradýsqa, al eldiń soltústik, ońtústik jáne shóleıt aımaqtarynda +46 gradýsqa deıin kóteriledi.
Eske salaıyq, 2026 jyly Jer tarıhtaǵy eń ystyq maýsymdardyń birin bastan keshirdi, muhıt temperatýrasy jańa rekordqa jetti.
Sondaı-aq, aptap ystyqtan Frantsııada segiz ıadrolyq reaktordyń qýaty tómendetildi.
