Aptap ystyqqa baılanysty Ertis ormanyna kirýge tyıym salyndy
PAVLODAR. KAZINFORM — Ormanshylar memlekettik orman qory — ulttyq baılyq ekenin ári ol mańyzdy ekologııalyq qyzmet atqaratynyn atap ótti. Kez kelgen abaısyz áreket tabıǵı resýrsqa eleýli materıaldyq shyǵyn ákelýi yqtımal.
Óńirde mamyr aıynyń sońynan beri turyp alǵan aptap ystyqqa baılanysty «Ertis ormany» rezervatynyń aýmaǵyna enýge tyıym salyndy. Qazirgi ýaqytta memlekettik orman qorynda órt qaýiptiliginiń tótenshe deńgeıi, ıaǵnı 5-klasty deńgeı jarııalanǵan.
— Ystyq ári qurǵaq aýa raıyna baılanysty Pavlodar oblysynyń aýmaǵynda orman órtteriniń tutaný qaýpi aıtarlyqtaı artyp otyr. Orman órtteriniń aldyn alý jáne tabıǵı resýrstardy saqtaý maqsatynda memlekettik orman qory aýmaǵynda órt qaýiptiliginiń IV jáne V synyptary belgilengen kezde azamattar men kólik quraldarynyń rezervatqa kirýine, sondaı-aq orman qorǵaý qyzmetteriniń qyzmetine qatysy joq jumystardy júrgizýge tolyqtaı tyıym salynady, — dep habarlady «Ertis ormany» rezervatynan.
Buǵan deıin ekologtar «Ertis ormanyn» jibek kóbelegi basyp bara jatqanyna alańdap, dabyl qaqqan bolatyn.
