Aptap ystyqqa baılanysty elimizde órt qaýpi áli de joǵary – Ekologııa mınıstrligi
ASTANA. KAZINFORM – 2026 jylǵy 7 tamyzda elimizdiń memlekettik orman qory aýmaǵynda 2 orman órti tirkeldi, dep habarlaıdy QR Ekologııa jáne tabıǵı resýrstar mınıstrliginiń baspasóz qyzmeti.
Óńirler boıynsha:
Batys Qazaqstan oblysy -1órt;
Ulytaý MUTP - 1 órt.
Batys Qazaqstan oblysynda tirkelgen órt oshaǵy RMQK «Qazavıaormanqorǵaý» kásipornynyń áýe patrýldeýi barysynda anyqtaldy. Órt týraly habarlama túsken sátten bastap orman mekemeleriniń kúshteri men quraldary jedel túrde oqıǵa ornyna jiberildi.
Órtti sóndirýge RMQK «Qazavıaormanqorǵaý» kásipornynyń áýe órt sóndirý desantshylary jáne memlekettik orman kúzetiniń kúshteri men quraldary jumyldyryldy.
-Elimizde aptap ystyq pen naızaǵaıǵa baılanysty órt qaýpi áli de joǵary bolyp otyr. Osyǵan baılanysty memlekettik orman kúzeti men RMQK «Qazavıaormanqorǵaý» kúshteri kúsheıtilgen rejımde jumys istep jatyr. Áýe jáne jerústi patrýldeý jumystary úzdiksiz júrgizilý ústinde,-delingen habarlamada.
Aıta keteıik, keshe «Qazgıdromet» te Qazaqstannyń basym bóliginde órt qaýpi saqtalatynyn eskertti.
