Aptap ystyq, jel, jańbyr: búgin aýa raıy qandaı bolady
ASTANA. KAZINFORM – Qazgıdromet elimizdegi 26 maýsymda bolatyn qaýipti meteorologııalyq qubylystarǵa boljam jasady.
Sınoptıkterdiń boljamy boıynsha, Soltústik-batys tsıklony jáne onymen baılanysqan atmosferalyq frontaldy bólikter Qazaqstan terrıtorııasy arqyly jyljıdy. Osyǵan baılanysty elimizdiń basym bóliginde naızaǵaı oınap, jańbyr jaýady, elimizdiń batysynda nóser jańbyr bolady Tek respýblıkamyzdyń shyǵysynda, ońtústiginde, ońtústik-shyǵysynda kóbine aýa raıy jaýyn-shashynsyz bolady.
Respýblıka boıynsha jel kúsheıedi. Eldiń batysynda, soltústik-batysynda, soltústiginde daýyl turyp, burshaq jaýady.
Kúndiz Abaı, Jetisý, Ulytaý, Almaty, Pavlodar, Qaraǵandy, Jambyl, Shyǵys Qazaqstan, Qyzylorda oblystarynda, Mańǵystaý oblysynyń ońtústiginde, Túrkistan oblysynynyń batysynda jáne shóldi aýdandarynda qatty ystyq bolady.
Aqtóbe oblysynda, Ulytaý oblysynyń soltústiginde, shyǵysynda, Abaı, Qostanaı oblystarynyń batysynda, soltústiginde, Qaraǵandy oblysynyń batysynda, ortalyǵynda, Aqmola oblysynyń batysynda, Shyǵys Qazaqstan oblysynyń ońtústiginde, Mańǵystaý oblysynyń batysynda, soltústik-shyǵysynda, Jetisý oblysynyń soltústiginde, shyǵysynda, Pavlodar oblysynyń shyǵysynda, ortalyǵynda, Atyraý oblysynyń batysynda joǵary órt qaýpi saqtalady.
Túrkistan, Jambyl, Qyzylorda, Ulytaý, Almaty oblystarynda, Mańǵystaý oblysynyń soltústiginde, ońtústik-shyǵysynda,ortalyǵynda, Aqtóbe oblysynyń batysynda, ońtústiginde, Batys Qazaqstan, Qostanaı, Qaraǵandy, Abaı oblystarynyń ońtústiginde, Jetisý oblysynyń soltústiginde, shyǵysynda tótenshe órt qaýpi bar.
