Aptap ystyq, jańbyr, jel: 27 shildege arnalǵan aýa raıy boljamy

ASTANA. KAZINFORM – 27 shildede aýa raıyna baılanysty elimizdiń birqatar óńirinde daýyldy eskertý jarııalandy.

Qazgıdromet sınoptıkteriniń boljamy boıynsha, Ulytaý oblysynyń batysynda, soltústiginde ońtústik-batystan soltústik-batysqa oıysa soqqan jeldiń ekpini kúndiz 15-20 m/s bolady. Oblystyń batysynda tótenshe órt qaýpi, oblystyń ońtústiginde joǵary órt qaýpi saqtalady.

Túnde Qaraǵandy oblysynyń soltústiginde, shyǵysynda, ortalyǵynda naızaǵaı oınap, kún raıy buzylady dep boljanyp otyr. Kúndiz oblystyń batysynda ońtústik-batystan soltústik-batysqa oıysa soqqan jeldiń ekpini 15-20 m/s deıin jetedi. Kúndiz oblystyń ońtústiginde aptap ystyq bolady: +35 °C. Oblystyń soltústik-batysynda, batysynda órt qaýpi joǵary bolady. Qaraǵandyda túnde naızaǵaı oınaıdy.

Qonaevta kúndiz aptap ystyq bolady: +41 °C.

Túnde Almaty oblysynyń soltústiginde, kúndiz taýly aýdandarynda naızaǵaı oınaıdy. Oblystyń soltústiginde, taýly aýdandarynda ońtústik-shyǵystan soltústik-batysqa oıysa soqqan jeldiń ekpini 18 m/s. Kúndiz oblystyń basym bóliginde aptap ystyq bolady: +35...+38°C. Almatyda da kúndiz qatty ystyq bolady: +36...+38 °C.

Atyraý oblysynyń ońtústik-batysynda órt qaýpi joǵary, oblystyń ońtústik-shyǵysynda tótenshe órt qaýpi saqtalady.

Túnde Aqmola oblysynyń soltústiginde, shyǵysynda naızaǵaı oınap, kún raıy buzylady. Oblystyń batysynda, soltústiginde, shyǵysynda ońtústik-batystan soqqan jeldiń ekpini 15-20 m/s, kúndiz oblystyń batysynda, soltústiginde 23-28 m/s deıin jetedi. Kókshetaýda ońtústik-batystan soqqan jeldiń kúndiz ekpini 15-20 m/s, keı tusta 23 m/s deıin jetedi.

Soltústik Qazaqstan oblysynyń batysynda, soltústiginde, ońtústiginde naızaǵaı oınap, daýyl turady, kúndiz burshaq jaýady. Oblystyń batysynda, soltústiginde, ońtústiginde ońtústik-batystan soqqan jeldiń ekpini 15-20 m/s, keı tusta 23-28 m/s deıin jetedi. Petropavlda naızaǵaı oınap, kún raıy buzylady. Ońtústik-batystan soqqan jeldiń ekpini 15-20 m/s, kúndiz keı tusta 25 m/s deıin jetedi.

Pavlodar oblysynyń soltústiginde nóser jańbyr jaýady. Oblystyń batysynda, soltústiginde, shyǵysynda naızaǵaı oınap, burshaq túsedi, daýyl turady. Oblystyń batysynda, soltústiginde, shyǵysynda soltústik-batystan soqqan jeldiń ekpini 15-20 m/s.

Qyzylorda oblysynyń soltústiginde, ortalyǵynda batystan, soltústik-batystan 15-20 m/s jyldamdyqpen jel soǵady. Oblystyń basym bóliginde joǵary órt qaýpi, oblys ortalyǵynda, ońtústiginde tótenshe órt qaýpi saqtalady. Qyzylordada tótenshe órt qaýpi saqtalady.

Kúndiz Shyǵys Qazaqstan oblysynyń soltústiginde, shyǵysynda, ońtústiginde naızaǵaı oınap, kún raıy buzylady. Kúndiz oblystyń shyǵysynda, ońtústiginde ońtústik-shyǵystan soltústik-batysqa oıysa soqqan jeldiń ekpini 15-20 m/s. Kúndiz aptap ystyq bolady: +36°C. Oblystyń ońtústiginde órt qaýpi joǵary. Óskemende kúndiz qatty ystyq bolady: +35 °C.

Abaı oblysynyń batysynda, soltústiginde, ortalyǵynda naızaǵaı oınaıdy, kúndiz burshaq jaýady. Kúndiz oblystyń batysynda, soltústiginde, ortalyǵynda ońtústik-shyǵystan soltústik-batysqa oıysa soqqan jeldiń ekpini 15-20 m/s. Kúndiz aptap ystyq bolady: +35...+38 °C. Oblystyń ońtústiginde, ortalyǵynda órt qaýpi joǵary. Semeıde kúndiz qatty ystyq bolady: +35 °C.

Kúndiz Túrkistan oblysynyń taýly asýlarynda soltústik-batystan soltústik-shyǵysqa oıysa soqqan jeldiń ekpini 15-20 m/s. Kúndiz oblystyń ońtústiginde aptap ystyq bolady: +41°C.

Kúndiz Qostanaı oblysynyń batysynda, soltústiginde, shyǵysynda azdap qatty jańbyr jaýady. Oblystyń batysynda, soltústiginde, shyǵysynda naızaǵaı oınaıdy, burshaq jaýady, daýyl turady. Kúndiz óńir ortalyǵynda, shyǵysynda ońtústik-batystan, batystan soqqan jeldiń ekpini 15-20 m/s, keı tusta 23-28 m/s deıin jetedi. Oblystyń ońtústiginde tótenshe órt qaýpi saqtalady. Qostanaıda tańerteń jáne tústen keıin naızaǵaı bolady. Ońtústik-batystan, batystan soqqan jeldiń ekpini - 15-20 m/s.

Mańǵystaý oblysynyń batysynda, soltústik-shyǵysynda, ortalyǵynda naızaǵaı oınap, kún raıy buzylady. Kúndiz oblystyń ońtústiginde, shyǵysynda soltústikten, soltústik-shyǵystan soqqan jeldiń ekpini 15-20 m/s. Oblys boıynsha tótenshe órt qaýpi saqtalady. Aqtaýda arakidik naızaǵaı jarqyldaıdy. Tótenshe órt qaýpi saqtalady.

Kúndiz Aqtóbe oblysynyń soltústiginde batystan, soltústik-batystan soqqan jeldiń ekpini 15-20 m/s. Túnde de jel bolady. Oblystyń ońtústiginde, ońtústik-shyǵysynda órt qaýpi joǵary. Aqtóbede batystan, soltústik-batystan soqqan jeldiń ekpini 15 m/s.

Kúndiz Jambyl oblysynyń taýly aýdandarynda naızaǵaı oınap, kún raıy buzylady. Oblystyń taýly aýdandarynda soltústik-batystan soqqan jeldiń ekpini 15-20 m/s. Kúndiz oblystyń soltústik-shyǵysynda aptap ystyq bolady: +38...+40 °C. Oblys boıynsha órt qaýpi joǵary bolady. Tarazda da órt qaýpi joǵary.

Kúndiz Jetisý oblysynyń basym bóliginde qatty ystyq bolady: +35...+39 °C. Taldyqorǵanda kúndiz qatty ystyq bolady: +37...+39 °C.