Aptap ystyq, jańbyr, naızaǵaı: 20 maýsymda aýa raıy qandaı bolady

Sınoptıkterdiń boljamyna súıensek, Jetisý oblysynyń shyǵysynda, taýly aýdandarynda ótkinshi jańbyr jaýyp, naızaǵaı oınaıdy. Kúndiz soltústik-shyǵystan soqqan jeldiń Alakól kólderi aýdandaryndaǵy ekpini 15-20 m/s bolady. Kúndiz 35-36 gradýs qatty ystyq bolyp, oblystyń ortalyǵynda, soltústiginde, ońtústiginde joǵary órt qaýpi, oblystyń shyǵysynda, batysynda tótenshe órt qaýpi saqtalady. Taldyqorǵanda 20 maýsymda kúndiz 35-36 gradýs aptap ystyq bolyp, joǵary órt qaýpi saqtalady.

Astanada 20 maýsymda kúndiz 35 gradýs qatty ystyq bolatyny boljanady.

Kúndiz Aqtóbe oblysynyń soltústiginde, batysynda jańbyr jaýyp, naızaǵaı oınaıdy, burshaq túsedi. Kúndiz oblystyń batysynda, soltústiginde soltústikten, soltústik-batystan jel soǵady, ekpini - 15-18 m/s. Kúndiz oblys boıynsha 35-36 gradýs qatty ystyq bolyp, oblystyń ońtústiginde, ońtústik-shyǵysynda joǵary órt qaýpi boljanady. Aqtóbede 20 maýsymda kúnniń ekinshi jartysynda jańbyr jaýyp, naızaǵaı oınaıdy.

Aqmola oblysynyń batysynda, soltústiginde, ońtústiginde jańbyr jaýyp, naızaǵaı oınaıdy. Kúndiz oblystyń batysynda, soltústiginde soltústik-shyǵystan jel soǵady, ekpini - 15-20 m/s. Kúndiz 35-38 gradýs qatty ystyq bolyp, oblystyń ortalyǵynda joǵary órt qaýpi, oblystyń shyǵysynda tótenshe órt qaýpi saqtalady. Kókshetaýda 20 maýsymda kúndiz ótkinshi jańbyr jaýyp, naızaǵaı oınaıdy.

Atyraý oblysynyń batysynda, soltústiginde, shyǵysynda. kúndiz oblystyń ońtústiginde jańbyr jaýyp, naızaǵaı oınaıdy, burshaq túsedi. Kúndiz oblystyń soltústiginde, shyǵysynda ońtústik-shyǵystan jel soǵady, ekpini - 15-20 m/s. Kúndiz 35-38 gradýs qatty ystyq bolyp, oblys boıynsha joǵary órt qaýpi saqtalady. Kúndiz Atyraý oblysynyń ońtústiginde 40-41 gradýs aptap ystyq bolatyny boljanady. Atyraýda 20 maýsymda kúndiz azdap jańbyr jaýyp, naızaǵaı oınaıdy. Kúndiz 36-38 gradýs qatty ystyq bolyp, joǵary órt qaýpi saqtalady.

Jambyl oblysynyń batysynda, soltústiginde, ońtústiginde, taýly aýdandarynda, kúndiz oblystyń taýly aýdandarynda jańbyr jaýyp, naızaǵaı oınaıdy, burshaq túsedi. Túnde oblystyń taýly aýdandarynda, kúndiz oblystyń ońtústik-batysynda, soltústik-shyǵysynda, taýly aýdandarynda soltústik-batystan soqqan jeldiń ekpini 15-20 m/s. Oblys boıynsha joǵary órt qaýpi, oblystyń batysynda, ońtústiginde tótenshe órt qaýpi saqtalady. Tarazda 20 maýsymda keı ýaqyttarda jańbyr jaýyp, naızaǵaı oınaıdy. Tótenshe órt qaýpi saqtalady.

Qostanaı oblysynyń ońtústiginde, shyǵysynda azdap jańbyr jaýady, naızaǵaı oınaıdy, al túnde jáne tańerteń oblystyń soltústiginde, shyǵysynda tuman bolady dep boljanady. Kúndiz 35-38 gradýs qatty ystyq bolyp, oblystyń ońtústik-batysynda, ońtústiginde tótenshe órt qaýpi saqtalady.

Pavlodar oblysynda 35 gradýs qatty ystyq bolyp, oblystyń soltústiginde, shyǵysynda tótenshe órt qaýpi saqtalady.

Soltústik Qazaqstan oblysynyń ońtústiginde, shyǵysynda, soltústiginde jańbyr jaýyp, naızaǵaı oınaıdy, burshaq túsedi. Túnde jáne tańerteń oblystyń batysynda, soltústiginde tuman bolatyny boljanady. Kúndiz oblystyń ońtústik-batysynda 35 gradýs qatty ystyq bolyp, oblystyń ońtústik-shyǵysynda joǵary órt qaýpi saqtalady. Petropavlda 20 maýsymda kúndiz jańbyr jaýyp, naızaǵaı oınaıdy, burshaq túsedi, al túnde jáne tańerteń tuman bolady.

Shyǵys Qazaqstan oblysynyń shyǵysynda ótkinshi jańbyr jaýyp, naızaǵaı oınaıdy dep kútiledi. Oblystyń soltústiginde, shyǵysynda soltústik-batystan, soltústikten jel soǵady, ekpini - 15-20 m/s. Kúndiz oblys boıynsha 35-36 gradýs qatty ystyq bolyp, joǵary órt qaýpi, oblystyń soltústik-batysynda, ońtústiginde, ortalyǵynda tótenshe órt qaýpi saqtalady. Óskemende 20 maýsymda kúndiz 35 gradýs qatty ystyq bolyp, tótenshe órt qaýpi saqtalady.

Abaı oblysynda 35-38 gradýs qatty ystyq bolyp, oblystyń batysynda, soltústik-shyǵysynda, ońtústiginde tótenshe órt qaýpi saqtalady.

Almaty oblysynyń taý bókterinde, taýly aýdandarynda ótkinshi jańbyr jaýyp, naızaǵaı oınaıdy. Oblystyń ońtústiginde, taý bókterinde, taýly aýdandarynda ońtústik-batystan soqqan jeldiń ekpini 15-20 m/s. Kúndiz oblystyń soltústiginde 38 gradýs qatty ystyq bolyp, oblystyń ońtústiginde, batysynda joǵary órt qaýpi, oblystyń soltústiginde tótenshe órt qaýpi saqtalady. Almatyda 20 maýsymda kúndiz azdap jańbyr jaýady, naızaǵaı oınaıdy. Joǵary órt qaýpi saqtalady.

Qyzylorda oblysynyń ońtústiginde jańbyr jaýyp, naızaǵaı oınaıdy. Kúndiz oblys boıynsha 40 gradýs aptap ystyq bolyp, tótenshe órt qaýpi saqtalady. Qyzylordada 20 maýsymda tótenshe órt qaýpi saqtalady.

Túrkistan oblysynyń soltústiginde, taýly jáne taý bókterli aýdandarynda, kúndiz oblystyń batysynda, soltústiginde, ońtústiginde, taýly jáne taý bókterli aýdandarynda ótkinshi jańbyr jaýyp, naızaǵaı oınaıdy. Oblystyń taýly aýdandarynda keı ýaqyttarda nóser jańbyr bolyp, burshaq túsedi, daýyl turady. Oblystyń batysynda, soltústiginde, taýly jáne taý bókterli aýdandarynda soltústik-shyǵystan soqqan jeldiń ekpini 15-20 m/s, kúndiz keı tusta 23 m/s deıin jetedi. Oblystyń batysynda, soltústiginde tótenshe órt qaýpi saqtalady. Shymkentte 20 maýsymda ótkinshi jańbyr jaýyp, naızaǵaı oınaıdy. Soltústik-shyǵystan jel soǵady, ekpini - 15-20 m/s. Túrkistanda 20 maýsymda ótkinshi jańbyr jaýyp, naızaǵaı oınaıdy. Soltústik-shyǵystan jel soǵady, ekpini - 15-20 m/s.

Demalys kúnderi elimizdiń basym bóliginde aýa raıy jaýyn-shashyndy bolatynyn jazǵan edik.