Aptap ystyq, jańbyr, daýyl: 8 shildede aýa raıyna baılanysty eskertý jarııalandy

Sınoptıkterdiń boljamy boıynsha, Soltústik Qazaqstan oblysynda túnde jáne tańerteń batysy men soltústiginde tuman túsedi. Kúndiz shyǵysynda ótkinshi jańbyr jaýyp, naızaǵaı oınaıdy, burshaq jaýyp, daýyl turýy múmkin. Soltústik-shyǵystan soǵatyn jeldiń ekpini kúndiz oblystyń shyǵysynda 15-20 m/s jetedi. Petropavlda túnde jáne tańerteń tuman bolady. Kúndiz oblystyń batysynda aptap ystyq, aýa temperatýrasy +40…+41°C-qa deıin kóteriledi.

Atyraý oblysynda túnde jáne tańerteń soltústiginde, ońtústiginde jáne shyǵysynda jańbyr jaýyp, naızaǵaı oınaıdy. Kúndiz ońtústigi men shyǵysynda qatty jańbyr, burshaq jáne daýyl bolady. Atyraý qalasynda da ótkinshi jańbyr, naızaǵaı, burshaq jáne ekpindi jel boljanyp otyr. Kúndiz +35°C ystyq bolady, keıin oblystyń barlyq aýmaǵynda aýa temperatýrasy +40…+41°C-qa deıin kóteriledi.

Ulytaý oblysynda kúndiz +35…+37°C aptap ystyq bolady. Al aldaǵy kúnderi aldymen batysy men ońtústiginde, keıin búkil aýmaǵynda aptap ystyq bolyp, aýa temperatýrasy +40…+41°C-qa jetedi.

Qaraǵandy oblysynda túnde shyǵysynda jańbyr jaýyp, naızaǵaı oınaıdy. Kúndiz soltústiginde, shyǵysynda jáne ońtústiginde jańbyr, naızaǵaı, burshaq. Qaraǵandyda kúndiz ótkinshi jańbyr jaýyp, naızaǵaı oınaıdy. Oblystyń ońtústiginde aptap qatty ystyq bolady, aýa temperatýrasy +40…+41°C-qa deıin kóteriledi.

Abaı jáne Shyǵys Qazaqstan oblystarynyń taýly jáne taý bókterindegi aýdandarynda nóser jańbyrǵa baılanysty betkeılik aǵyn qalyptasyp, ózenderdegi sý deńgeıi kóterilýi múmkin.

Abaı oblysynda túnde batysynda, soltústiginde jáne ortalyǵynda jańbyr jaýyp, naızaǵaı oınaıdy. Kúndiz jańbyr, naızaǵaı, soltústigi men ońtústiginde nóser jańbyr, burshaq jáne daýyl bolady. Jeldiń ekpini kúndiz 23-28 m/s jetýi múmkin. Semeıde jańbyr jaýyp, naızaǵaı oınaıdy, kúndiz burshaq jaýýy yqtımal.

Shyǵys Qazaqstan oblysynda túnde ońtústigi men soltústiginde jańbyr, naızaǵaı. Kúndiz jańbyr jaýyp, naızaǵaı oınaıdy, soltústigi men shyǵysynda nóser jańbyr, burshaq jáne daýyl bolady. Óskemende kúndiz jańbyr, naızaǵaı, burshaq jáne ekpindi jel bolady.

Aqmola oblysynda túnde jáne tańerteń ońtústigi men shyǵysynda ótkinshi jańbyr jaýyp, naızaǵaı oınaıdy, kúndiz daýyl turýy múmkin. Astanada jańbyr, naızaǵaı, kúndiz daýyl jáne ekpini 15-18 m/s bolatyn jel bolady. Oblystyń batysy men ońtústiginde kúndiz +36°C qatty ystyq bolady, al aldaǵy kúnderi aýa temperatýrasy +40…+41°C-qa deıin kóteriledi.

Aqtóbe oblysynda túnde jáne tańerteń batysynda, soltústiginde jáne ortalyǵynda jańbyr jaýyp, naızaǵaı oınaıdy, keı ýaqytta nóser jańbyr, burshaq jáne daýyl bolady. Aqtóbede jańbyr, naızaǵaı, kúndiz keı ýaqytta qatty jańbyr, burshaq jáne daýyl bolady. Kúndiz oblystyń shyǵysy men ortalyǵynda +35…+38°C aptap ystyq, keıin batysy men ońtústiginde +40…+41°C qatty ystyq bolady.

Qostanaı oblysynda túnde jáne tańerteń batysy men soltústiginde jańbyr jaýyp, naızaǵaı oınaıdy. Qostanaıda kúndiz +35°C ystyq bolady. Oblys boıynsha aýa temperatýrasy +35…+38°C, al aldaǵy kúnderi ońtústiginde +40…+41°C-qa deıin kóteriledi.

Pavlodar oblysynda túnde jáne tańerteń batysynda, ońtústiginde jáne shyǵysynda jańbyr, naızaǵaı. Pavlodarda kúndiz jańbyr jaýyp, naızaǵaı oınaıdy. Aldaǵy kúnderi oblystyń batysy men ońtústiginde aptap qatty ystyq bolyp, aýa temperatýrasy +40…+41°C-qa jetedi.

Batys Qazaqstan oblysynda kúndiz shyǵysynda jańbyr jaýyp, naızaǵaı oınaıdy. Kúndiz +35°C qatty ystyq bolady, al aldaǵy kúnderi oblystyń ońtústiginde aýa temperatýrasy +40…+41°C-qa deıin kóteriledi.

Almaty oblysynda túnde ońtústiginde jáne taýly aýdandarda azdaǵan jańbyr jaýyp, naızaǵaı oınaıdy. Kúndiz batysy men shyǵysynda azdaǵan jańbyr, ońtústigi men taýly aýdandarda ótkinshi jańbyr, naızaǵaı, taýda keı ýaqytta jańbyr men burshaq jaýady. Almatyda kúndiz ótkinshi jańbyr jaýyp, naızaǵaı oınaıdy, jeldiń ekpini 15 m/s jetedi. Qonaevta kúndiz ótkinshi jańbyr, naızaǵaı jáne +35°C ystyq bolady. Oblysta kúndiz +35…+36°C ystyq bolady, keıin batysy men ortalyǵynda aýa temperatýrasy +40…+41°C-qa jetedi.

Jetisý oblysynda túnde ortalyǵy men taýly aýdandarynda jańbyr, naızaǵaı. Kúndiz jańbyr jaýyp, naızaǵaı oınaıdy, taýda nóser jańbyr men burshaq bolýy múmkin. Taldyqorǵanda tańerteń jáne kúndiz jańbyr jaýyp, naızaǵaı oınaıdy. Oblysta kúndiz +35…+36°C ystyq, al aldaǵy kúnderi ońtústigi men ortalyǵynda +40…+41°C aptap ystyq kútiledi.

Qyzylorda oblysynda kúndiz +40…+41°C aptap ystyq bolady. Al aldaǵy kúnderi oblystyń ońtústiginde aýa temperatýrasy +45°C-qa deıin kóterilýi múmkin. Qyzylorda qalasynda kúndiz +40°C ystyq bolady.

Mańǵystaý oblysynda túnde jáne tańerteń batysynda, soltústik-shyǵysynda jáne ortalyǵynda jańbyr, naızaǵaı, burshaq bolady. Aqtaýda tańerteń jáne kúndiz jańbyr jaýyp, naızaǵaı oınaıdy. Kúndiz oblystyń ońtústigi men soltústik-shyǵysynda +38…+41°C ystyq, al aldaǵy kúnderi +43…+44°C aptap qatty ystyq bolady.

Túrkistan oblysynda kúndiz taýly aýdandarda ótkinshi jańbyr jaýyp, naızaǵaı oınaıdy. Shymkentte soltústik-shyǵystan jel soǵyp, kúndiz ekpini 15-20 m/s jetedi. Túrkistanda da jel kúsheıip, kúndiz +40°C aptap ystyq bolady. Oblys boıynsha kúndiz +40°C ystyq.

Jambyl oblysynda kúndiz taýly aýdandarda ótkinshi jańbyr jaýyp, naızaǵaı oınaıdy. Soltústik-shyǵystan jel soǵyp, oblystyń soltústik-shyǵysynda jáne taýly aýdandarynda 15-20 m/s jyldamdyqpen kúsheıedi. Kúndiz oblys boıynsha +38°C aptap ystyq bolady.

Buǵan deıin Qazgıdromet 7-9 shilde aralyǵyndaǵy jalpy aýa raıy boljamyn jarııalaǵan edi.