Aptap ystyq, jańbyr, burshaq: 15 maýsymdaǵy aýa raıy boljamy

ASTANA. KAZINFORM – «Qazgıdromet» RMK mamandary respýblıkamyz boıynsha 15 maýsymǵa arnalǵan aýa raıy boljamyn jarııalady.

Sınoptıkterdiń boljamy boıynsha, respýblıkamyzdyń basym bóligindegi aýa raıyn tsıklon jáne onymen baılanysty atmosferalyq frontaldy bólikter qozǵalysy anyqtaıtyn bolady.

Osyǵan baılanysty elimizde naızaǵaı oınap, burshaq túsedi. Al batysta, soltústik-shyǵysta jáne shyǵysta nóser jańbyr jaýady. Soltústik-batysta, ońtústik-batysta túnde jáne tańerteń tuman túsedi.

Jalpy respýblıka boıynsha beleń alatyn ortaq tabıǵı qubylysqa jeldiń kúsheıýi jatady. Sondaı-aq kúndiz birqatar aımaqta aptap ystyq bolady. Synap baǵany Jetisý jáne Abaı oblystarynda, Batys Qazaqstan oblysynda , Atyraý, Mańǵystaý, Shyǵys Qazaqstan oblystarynda, Qyzylorda, Aqtóbe, Jambyl oblystarynda 35-40 gradýsqa deıin kóteriledi.

Ulytaý oblysynyń batysynda, sondaı-aq Qostanaı óńiriniń ońtústiginde aptap ystyq bolady.

Osyǵan baılanysty Almaty, Batys Qazaqstan oblystarynda, Jetisý, Abaı oblystarynda, Pavlodar oblysynyń batysynda, ońtústiginde, Aqtóbe óńiriniń ortalyǵynda, Jambyl oblysynyń shyǵysynda, Atyraý oblysynyń soltústiginde, Mańǵystaý oblysynyń soltústik-batysynda, ońtústik-shyǵysynda, ortalyǵynda, Aqmola oblysynyń ońtústiginde, Soltústik Qazaqstan oblysynyń soltústiginde, Qostanaı oblysynyń batysynda, soltústiginde, ońtústik-shyǵysynda, Qaraǵandy oblysynyń soltústiginde, ortalyǵynda, Shyǵys Qazaqstan oblysynyń soltústiginde, ortalyǵynda, ońtústik jartysynda joǵary órt qaýpi bolady.

Qyzylorda, Jambyl, Ulytaý oblystarynda, Túrkistan oblysynyń batysynda, ońtústiginde, taý bókterindegi aýdandarynda, Atyraý óńiriniń shyǵysynda, ortalyǵynda, Aqtóbe oblysynyń batysynda, soltústiginde, ońtústiginde, ońtústik-shyǵysynda, Almaty oblysynyń batysynda, soltústiginde, Mańǵystaý óńiriniń soltústiginde, shyǵysynda, Qostanaı oblysynyń ońtústiginde, Qaraǵandy oblysynyń batysynda, shyǵysynda, ońtústiginde, Abaı oblysynyń ońtústik-batysynda, ońtústiginde, soltústik-batysynda, Jetisý oblysynyń soltústiginde, shyǵysynda, Batys Qazaqstan oblysynyń soltústiginde, ońtústiginde tótenshe órt qaýpi bar.

Aıta keteıik, TJM aptap ystyqqa baılanysty qaýipsizdik sharalary týraly eskertti.