Aptap ystyq, jańbyr: 26 shildege arnalǵan aýa raıy boljamy

ASTANA. KAZINFORM – Tsıklonnyń jáne onymen baılanysty atmosferalyq frontaldy bólikterdiń áserinen 26 shildede respýblıkanyń basym bóliginde aýa raıy qubylmaly bolady.

Respýblıkanyń basym bóliginde jańbyr jaýyp, naızaǵaı oınap, burshaq jaýyp, ekpindi jel soǵady. Qazgıdromet sınoptıkteriniń boljamynsha, respýblıkanyń soltústik-batysynda jáne soltústiginde nóser jańbyr jaýady.

Elimizdiń soltústiginde túnde jáne tańerteń tuman túsedi.

Kúndiz Jambyl, Almaty, Túrkistan oblystarynda, Jetisý, Abaı, Ulytaý oblystarynda, Qaraǵandy ​​oblysynyń ońtústiginde, Pavlodar oblysynda qatty ystyq bolady.

Almaty oblysynyń ortalyǵynda, soltústiginde, ońtústiginde, Jetisý oblysynyń ortalyǵynda, Túrkistan oblysynyń shóldi aımaqtarynda, Jambyl oblysynyń batysynda kún qatty ysıdy.

Qyzylorda, Túrkistan oblystarynda, Atyraýdyń ońtústiginde, Batys Qazaqstannyń ońtústiginde, Qaraǵandynyń soltústik-batysynda, Jambyldyń ońtústik-shyǵysynda, batysynda, Almatynyń ońtústiginde, ońtústik-batysynda, Aqtóbeniń ońtústiginde, Shyǵys Qazaqstannyń ońtústiginde, Abaı oblysynyń ortalyǵynda, Ulytaý oblysynyń ońtústiginde joǵary órt qaýpi bar.

Mańǵystaýda, Atyraýdyń shyǵys bóliginde, Qostanaıdyń ońtústiginde, Túrkistannyń shóldi aımaqtarynda, Qyzylorda oblysynyń ońtústiginde tótenshe órt qaýpi saqtalady.