Aptap ystyq, jańbyr: 1 tamyzǵa arnalǵan aýa raıy boljamy
ASTANA. KAZINFORM – «Qazgıdromet» RMK 1 tamyzǵa arnalǵan aýa raıy boljamyn jarııalady. Atmosferalyq frontaldy ýchaskelerde Qazaqstannyń basym bóliginde turaqsyz aýa raıy saqtalady: jańbyr jaýyp, naızaǵaı kútiledi. Tek elimizdiń ońtústiginde, shyǵysynda jáne ortalyǵynda jaýyn-shashyn bolmaıdy.
Respýblıka boıynsha jel kúsheıedi, túnde jáne tańerteń elimizdiń soltústiginde tuman túsedi dep kútilýde.
Kúndiz Almaty, Atyraý, Qyzylorda, Pavlodar, Qaraǵandy, Aqmola, Jambyl oblystarynda, Jetisý, Ulytaý oblystarynda, Qostanaıdyń ońtústiginde, Abaı oblysynyń ońtústik-shyǵysynda, Aqtóbe oblysynyń ońtústik-shyǵysynda qatty ystyq bolady dep boljanyp otyr.
Jambyl, Almaty, Qaraǵandy oblystarynda, Ulytaý, Jetisý, Abaı oblystarynda, Aqtóbeniń ortalyǵynda, Shyǵys Qazaqstannyń batysynda, Pavlodar oblysynyń ońtústik-shyǵysynda joǵary órt qaýpi saqtalady.
Mańǵystaýda, Qyzylordada Túrkistanda, Atyraýdyń ońtústik bóliginde, Qostanaıdyń ońtústiginde, Almaty oblysy men Ulytaý oblysynyń batysynda, Jetisý oblysynyń ońtústik-shyǵysynda, soltústik-batysynda, Jambyl oblysynyń ońtústik-shyǵysynda, Abaı qalasynyń ortalyǵynda óńirde tótenshe órt qaýpi saqtalady.
