Aptap ystyq saldarynan Eıfel munarasy ýaqytsha jabyldy
ASTANA. KAZINFORM — Frantsııadaǵy aptap ystyqqa baılanysty álemge áıgili Eıfel munarasy men Lývr mýzeıi jumys ýaqytyn qysqartty, dep habarlaıdy Euronews.
Frantsııa jáne Eýropanyń birqatar elderi adam ómirine qaýip tóndiretin qatty ystyqtyń áserin bastan ótkerýde. Ekstremaldy temperatýralar kúndelikti tirshilikti qıyndatyp, mektepterdiń jabylýyna jáne poıyz reısteriniń toqtatylýyna sebep bolyp jatyr.
Saqtyq sharalary aıasynda álemdegi eń tanymal týrıstik nysandardyń jumysyna da shekteý engizildi. Parıjdegi Eıfel munarasy aptap ystyqqa baılanysty ádettegiden erte jabylyp, kóptegen týrıstiń josparyn ózgertti.
AQSh-tan kelgen týrıst Tamara Danser munaraǵa bılet satyp alý úshin eki aı buryn tapsyrys bergenin, alaıda sapary sońǵy sátte toqtatylǵanyn aıtty.
Soǵan qaramastan keıbir saıahatshylar ystyq aýa raıy Parıjdi tamashalaýǵa kedergi bolmaıtynyn jetkizdi.
— Aptap ystyq saparymyzdyń qyzyǵyn buza almaıdy. Parıjde kóretin jer áli kóp, — dedi Kalıfornııadan kelgen týrıster Karlın men Kerol.
Osydan buryn Frantsııada buryn-sońdy bolmaǵan aptap ystyq saldarynan úsh adam qaıtys bolǵanyn jazǵanbyz. Eldiń birqatar óńirinde aýa temperatýrasy 40 °C-tan asyp, bılik aptap ystyqtyń taǵy birneshe kúnge sozylýy múmkin ekenin eskertti.
