Aptap ystyq, naızaǵaı, burshaq: 28 shildede aýa raıyna baılanysty eskertý jarııalandy

Sınoptıkterdiń boljamy boıynsha, soltústik, ortalyq jáne shyǵys óńirlerde jańbyr, naızaǵaı, burshaq, keı jerlerde nóser jańbyr men tuman bolady. Ortalyq jáne ońtústik aımaqtarda aptap ystyq saqtalsa, elimizdiń batysynda aýa temperatýrasy 47 gradýsqa deıin kóteriledi. Kóptegen óńirde joǵary jáne tótenshe órt qaýpi bar.

Astana qalasynda kúndiz jańbyr, naızaǵaı, burshaq jáne shańdy daýyl bolady. Soltústik jáne soltústik-batystan soǵatyn jeldiń ekpini kúndiz sekýndyna 15-20 metrge deıin jetedi.

Aqmola oblysynda túnde oblystyń soltústiginde jańbyr men naızaǵaı bolady. Kúndiz soltústik, ońtústik, shyǵys jáne ortalyq aýdandarda jańbyr jaýyp, naızaǵaı oınaıdy, burshaq túsip, jel kúsheıip, shańdy daýyl soǵady. Soltústik jáne soltústik-batystan soǵatyn jeldiń ekpini kúndiz sekýndyna 15-20 metrge deıin jetedi. Batysynda kún qatty ysyp, aýa temperatýrasy 35 gradýsqa deıin kóteriledi. Óńirdiń batysynda joǵary, ońtústik-batysynda tótenshe órt qaýpi saqtalady. Kókshetaýda kúndiz jańbyr jaýyp, naızaǵaı bolady. Soltústik-batys jáne soltústik jeldiń ekpini kúndiz sekýndyna 15-18 metrge deıin kúsheıedi.

Soltústik Qazaqstan oblysynda oblystyń soltústigi, shyǵysy jáne ońtústiginde jańbyr jaýyp, naızaǵaı oınaıdy. Kúndiz burshaq jaýyp, jel kúsheıedi. Túnde jáne tańerteń batys, soltústik jáne ońtústik aýdandarda tuman túsedi. Soltústik-batystan soǵatyn jeldiń ekpini oblystyń soltústigi, shyǵysy jáne ońtústiginde sekýndyna 15-20 metrge deıin jetedi. Batysy men ońtústiginde joǵary órt qaýpi saqtalady. Petropavlda túnde jáne tańerteń tuman túsedi. Soltústik-batys jeli kúndiz sekýndyna 15-20 metrge deıin kúsheıedi.

Qostanaı oblysynda kúndiz aýa temperatýrasy 35-38 gradýsqa deıin kóterilse, ońtústiginde 40-43 gradýsqa deıin jetetin aptap ystyq bolady. Batysynda, shyǵysynda jáne ortalyǵynda joǵary, al ońtústigi men ońtústik-shyǵysynda tótenshe órt qaýpi saqtalady. Qostanaı qalasynda kúndiz 35-37 gradýs ystyq bolady.

Pavlodar oblysynda oblystyń soltústigi, shyǵysy jáne ońtústiginde jańbyr men naızaǵaı. Kúndiz burshaq jaýyp, jel kúsheıedi. Soltústik-batys jeliniń ekpini osy aýdandarda sekýndyna 15-20 metrge deıin jetedi. Shyǵysynda tótenshe órt qaýpi saqtalady. Pavlodarda tańerteń jáne kúndiz jańbyr men naızaǵaı bolady. Jeldiń ekpini kúndiz sekýndyna 15-20 metrge deıin kúsheıedi.

Qaraǵandy oblysynda oblystyń soltústigi men shyǵysynda azdaǵan jańbyr jaýyp, naızaǵaı bolady. Kúndiz batysynda jańbyr men naızaǵaı kútiledi. Batysynda, soltústiginde jáne shyǵysynda burshaq túsip, jel kúsheıedi. Soltústik jeldiń ekpini kúndiz oblystyń soltústigi men shyǵysynda sekýndyna 15-18 metrge deıin jetedi. Shyǵysy men ońtústiginde tótenshe órt qaýpi saqtalady.

Ulytaý oblysynda kúndiz shyǵysynda soltústik-shyǵys jeliniń ekpini sekýndyna 15 metrge deıin jetedi. Aýa temperatýrasy 35-38 gradýsqa deıin kóteriledi. Ońtústigi men shyǵysynda tótenshe órt qaýpi saqtalady. Jezqazǵanda kúndiz 35 gradýs ystyq bolady.

Shyǵys Qazaqstan oblysynda túnde soltústiginde, shyǵysynda jáne ońtústiginde jańbyr jaýyp, naızaǵaı bolady. Kúndiz jańbyr men naızaǵaı saqtalyp, oblystyń soltústigi, shyǵysy jáne ońtústiginde nóser jańbyr jaýyp, burshaq túsip, jel kúsheıedi. Túnde jáne tańerteń soltústiginde tuman túsedi. Batys jáne soltústik-batys jeli kúndiz oblystyń soltústigi, shyǵysy jáne ońtústiginde sekýndyna 15-20 metrge deıin kúsheıedi. Ońtústigi, ońtústik-shyǵysy jáne ortalyǵynda tótenshe órt qaýpi saqtalady. Óskemende jańbyr jaýyp, naızaǵaı bolady. Jeldiń ekpini kúndiz sekýndyna 15-18 metrge deıin jetedi.

Abaı oblysynda túnde batysynda, soltústiginde jáne ortalyǵynda jańbyr men naızaǵaı. Kúndiz jańbyr jaýyp, naızaǵaı bolady, soltústiginde, ońtústiginde jáne ortalyǵynda burshaq túsip, jel kúsheıedi. Túnde jáne tańerteń oblystyń soltústiginde tuman túsedi. Soltústik-batys jáne soltústik jeldiń ekpini tańerteń jáne kúndiz oblystyń soltústigi, ońtústigi men ortalyǵynda sekýndyna 15-20 metrge deıin jetedi. Soltústik-shyǵysynda tótenshe órt qaýpi saqtalady. Semeıde jańbyr jaýyp, naızaǵaı bolady. Jeldiń ekpini kúndiz sekýndyna 15-18 metrge deıin kúsheıedi.

Almaty oblysynda kúndiz taýly aýdandarda azdaǵan jańbyr jaýyp, naızaǵaı jarqyldaıdy. Soltústik-shyǵys jeli taýly jerlerde sekýndyna 15-20 metrge deıin kúsheıedi. Kúndiz aýa temperatýrasy 35 gradýsqa deıin kóteriledi. Soltústigi, batysy, ońtústigi jáne ortalyǵynda tótenshe órt qaýpi saqtalady.

Almaty qalasynda tótenshe órt qaýpi saqtalady. Іle Alataýy taýlarynda, Medeý jáne Bostandyq aýdandarynyń taýly bóliginde kúndiz jańbyr jaýyp, naızaǵaı oınaıdy. Soltústik-shyǵys jeliniń ekpini kúndiz sekýndyna 15-20 metrge deıin jetedi.

Jetisý oblysynda shyǵysynda jáne taýly aýdandarynda ótkinshi jańbyr jaýyp, naızaǵaı bolady, kúndiz burshaq túsedi. Soltústik-shyǵys jeli shyǵysynda sekýndyna 17-22 metrge deıin kúsheıedi. Soltústigi, shyǵysy jáne ortalyǵynda tótenshe órt qaýpi saqtalady. Taldyqorǵanda tótenshe órt qaýpi jarııalanǵan.

Jambyl oblysynda soltústik-shyǵys jeli oblystyń ońtústik-batysynda, soltústik-shyǵysynda jáne taýly aýdandarynda sekýndyna 15-20 metrge deıin, ekpini 23 metrge deıin kúsheıedi. Tótenshe órt qaýpi saqtalady, al shyǵysy men ońtústiginde joǵary órt qaýpi jarııalanǵan. Tarazda soltústik-shyǵys jeliniń ekpini sekýndyna 15-20 metrge deıin jetedi. Tótenshe órt qaýpi saqtalady.

Túrkistan oblysynda kúndiz oblystyń batysy men soltústiginde shańdy daýyl bolady. Soltústik-shyǵys jeli oblystyń soltústiginde, batysynda, taý jáne taý bókterindegi aýdandarda sekýndyna 15-20 metrge deıin kúsheıedi, taý asýlarynda ekpini sekýndyna 23-28 metrge jetedi. Kúndiz aýa temperatýrasy 40-41 gradýsqa deıin kóteriledi. Tótenshe órt qaýpi saqtalady, al shyǵysy men ońtústik-batysynda joǵary órt qaýpi bar. Shymkentte jáne Túrkistanda soltústik-shyǵys jeliniń ekpini sekýndyna 15-20 metrge deıin jetedi. Túrkistanda kúndiz aýa temperatýrasy 40-41 gradýsqa deıin kóteriledi.

Qyzylorda oblysynda oblystyń ortalyǵy men shyǵysynda shańdy daýyl bolady. Soltústik-shyǵys jeli kúndiz sekýndyna 15-20 metrge deıin kúsheıedi. Kúndiz aýa temperatýrasy 40-42 gradýsqa deıin kóteriledi. Tótenshe órt qaýpi saqtalady. Qyzylordada soltústik-shyǵys jeliniń ekpini kúndiz sekýndyna 15-20 metrge deıin jetedi. Aýa temperatýrasy 40-41 gradýsqa deıin kóteriledi. Tótenshe órt qaýpi saqtalady.

Aqtóbe oblysynda oblystyń soltústik-batysynda ońtústik-shyǵys jeliniń ekpini kúndiz sekýndyna 15-18 metrge deıin kúsheıedi. Kúndiz aýa temperatýrasy 35-39 gradýsqa deıin kóteriledi. Soltústiginde, ońtústiginde jáne ortalyǵynda joǵary, al batysynda, shyǵysynda jáne soltústik-shyǵysynda tótenshe órt qaýpi bar. Aqtóbede kúndiz 37-39 gradýs ystyq bolady. Joǵary órt qaýpi saqtalady.

Atyraý oblysynda túnde oblystyń batysy men soltústiginde jańbyr jaýyp, naızaǵaı bolady. Kúndiz aýa temperatýrasy 37-39 gradýsqa deıin kóteriledi. Tótenshe órt qaýpi saqtalady. Atyraýda da kúndiz 37-39 gradýs ystyq bolyp, tótenshe órt qaýpi saqtalady.

Mańǵystaý oblysynda kúndiz aýa temperatýrasy 43-47 gradýsqa deıin kóteriletin aptap ystyq bolady. Soltústigi men ortalyǵynda shańdy daýyl bolady. Soltústik-shyǵys jeli soltústik-batysqa aýysyp, kúndiz oblystyń batysy men ortalyǵynda sekýndyna 15-20 metrge deıin kúsheıedi. Soltústigi men batysynda joǵary, al soltústik-shyǵysy men ortalyǵynda tótenshe órt qaýpi saqtalady. Aqtaýda kúndiz aýa temperatýrasy 38-39 gradýsqa deıin kóteriledi.

Batys Qazaqstan oblysynda oblystyń batysy men soltústiginde ótkinshi jańbyr jaýyp, naızaǵaı oınap, burshaq túsedi jáne jel kúsheıedi. Batys jáne ońtústik-batys jeliniń ekpini kúndiz oblystyń batysy men soltústiginde sekýndyna 15-20 metrge deıin jetedi. Kúndiz aýa temperatýrasy 35-38 gradýsqa deıin kóteriledi. Soltústiginde, shyǵysynda jáne ortalyǵynda joǵary órt qaýpi bar, al ońtústik-batysynda tótenshe órt qaýpi saqtalady. Oralda kúndiz ótkinshi jańbyr jaýyp, naızaǵaı bolady, burshaq túsip, jel kúsheıedi. Batys jáne ońtústik-batys jeliniń ekpini kúndiz sekýndyna 15-20 metrge deıin jetedi. Aýa temperatýrasy 35 gradýsqa deıin kóteriledi.

Elimizdiń birneshe óńirinde 27 shildede órt qaýpi óte joǵary bolatynyn jazǵan edik.