Aptap ystyq, naızaǵaı, burshaq: 2 tamyzǵa arnalǵan aýa raıy boljamy jarııalandy

ASTANA. KAZINFORM – 2 tamyzda Qazaqstannyń kóptegen óńirinde aýa raıy qubylmaly bolady. Bul týraly «Qazgıdromet» RMK habarlady.

Sınoptıkterdiń málimetinshe, elimizdiń batysyna antıtsıklon yqpaly jetip, jaýyn-shashyn toqtaıdy dep kútiledi.

Al Qazaqstannyń qalǵan óńirlerinde tsıklon áseri saqtalyp, atmosferalyq frontaldy bólikterdiń ótýine baılanysty jańbyr jaýyp, naızaǵaı oınaıdy. Soltústik pen shyǵysta qatty jańbyr jaýyp, jekelegen aýdandarda burshaq jaýýy yqtımal.

Respýblıka boıynsha jel kúsheıip, keı jerlerde daýyl turady. Eldiń ońtústik-batysynda shańdy daýyl bolady dep boljanýda. Soltústik pen ortalyqta túnde jáne tańerteń tuman túsýi múmkin.

Kúndiz Atyraý oblysynda - 35-38 gradýs, Mańǵystaý oblysynda - 38-40 gradýs, Batys Qazaqstan oblysynyń ońtústiginde 35-36 gradýs aptap ystyq kútiledi.

Budan bólek, birneshe óńirde órt qaýpi artady. Abaı oblysynda, Pavlodar oblysynyń batysy men soltústiginde, Batys Qazaqstan oblysynyń batysynda, Qaraǵandy oblysynyń soltústiginde jáne Mańǵystaý oblysynyń soltústik-shyǵysynda joǵary órt qaýpi saqtalady.

Sondaı-aq Túrkistan, Almaty, Jetisý, Qyzylorda, Jambyl, Atyraý, Aqtóbe, Qostanaı, Ulytaý, Shyǵys Qazaqstan jáne Abaı oblystarynyń birqatar bóliginde tótenshe órt qaýpi kútiledi.

Mamandar turǵyndardy aýa raıynyń qolaısyzdyǵyna baılanysty qaýipsizdik sharalaryn saqtaýǵa shaqyrady.