Aptap ystyq: Qazgıdromet 16 óńir men Astanada kún raıyna baılanysty eskertý jarııalady
ASTANA. KAZINFORM – 18 shildede Astana men elimizdiń 16 óńirinde kún raıyna baılanysty eskertý jarııalandy, dep habarlaıdy Qazgıdromet.
18 shildede Astanada kúndiz aýa temperatýrasy 35–36 gradýsqa deıin kóterilip, qatty ystyq bolady. Qalada joǵary órt qaýpi saqtalady.
Aqmola oblysynyń batysynda, soltústiginde jáne shyǵysynda ótkinshi jańbyr jaýyp, naızaǵaı oınaıdy, burshaq túsýi múmkin. Batysynda, soltústiginde jáne shyǵysynda ońtústik-batystan soǵatyn jeldiń ekpini 15–20 m/s-qa jetedi. Kúndiz aptap ystyq 35–38 gradýs bolady. Oblystyń batysy men ońtústiginde, sondaı-aq soltústiginde joǵary órt qaýpi saqtalady.
Qyzylorda oblysynyń batysynda jańbyr jaýyp, naızaǵaı oınaıdy, shańdy daýyl kóteriledi. Soltústik-batystan, soltústikten soǵatyn jeldiń ekpini 15–20 m/s bolady. Óńirde tótenshe órt qaýpi saqtalady. Kúndiz aýa temperatýrasy 42–44 gradýsqa deıin kóteriledi.
Atyraý oblysynyń batysynda, ońtústiginde jáne shyǵysynda jańbyr jaýyp, naızaǵaı bolady. Soltústik jáne soltústik-batystan soǵatyn jeldiń ekpini 15–20 m/s-qa jetedi. Oblystyń ońtústik-shyǵysy men soltústik-shyǵysynda joǵary, al soltústik-batysynda tótenshe órt qaýpi saqtalady.
Ulytaý oblysynda batystan jáne ońtústik-batystan soǵatyn jeldiń ekpini kúndiz 15–20 m/s bolady. Kúndiz 36–39 gradýs ystyq kútiledi. Oblystyń ońtústiginde tótenshe órt qaýpi jarııalanǵan.
Qaraǵandy oblysynda kúndiz 35–37 gradýsqa deıin aptap ystyq bolady. Óńirde joǵary órt qaýpi saqtalady, al batysy men soltústiginde tótenshe órt qaýpi bar.
Pavlodar oblysynyń batysy men soltústiginde jańbyr jaýyp, naızaǵaı bolady. Batystan soǵatyn jeldiń ekpini 15–20 m/s-qa deıin kúsheıedi. 18–20 shilde aralyǵynda kúndiz 35–38 gradýs ystyq kútiledi. Soltústiginde, ońtústiginde jáne shyǵysynda joǵary, al ońtústik-shyǵysynda tótenshe órt qaýpi saqtalady.
Qostanaı oblysynyń batysynda, soltústiginde jáne shyǵysynda jańbyr jaýyp, naızaǵaı oınaıdy, burshaq túsip, daýyl soǵýy múmkin. Ońtústik-batystan soǵatyn jeldiń ekpini 15–20 m/s bolady. Ońtústikte kúndiz 37 gradýsqa deıin ystyq bolady. Batysynda joǵary, shyǵysy men ortalyǵynda joǵary, al ońtústiginde tótenshe órt qaýpi saqtalady.
Jambyl oblysynda kúndiz óte qatty ystyq bolyp, aýa temperatýrasy 43–45 gradýsqa deıin kóteriledi. Soltústik-shyǵystan soqqan jel soltústik-batysqa aýysady. Oblysta joǵary órt qaýpi saqtalyp, batysynda, soltústiginde jáne shyǵysynda tótenshe órt qaýpi jarııalanǵan.
Soltústik Qazaqstan oblysynyń batysynda, soltústiginde jáne shyǵysynda jańbyr jaýyp, naızaǵaı bolady. Kúndiz burshaq, daýyl jáne shańdy daýyl turady. Túnde jáne tańerteń tuman túsýi múmkin. Jeldiń ekpini 15–20 m/s, keı jerlerde 23 m/s-qa deıin jetedi. Ońtústikte kúndiz 35 gradýs ystyq bolady. Joǵary órt qaýpi saqtalady.
Aqtóbe oblysynyń soltústiginde, shyǵysynda jáne ońtústiginde jańbyr jaýyp, naızaǵaı oınaıdy, keı jerlerde burshaq, daýyl bolady. Jeldiń ekpini 15–20 m/s. Ońtústik-shyǵysynda kúndiz 35 gradýsqa deıin ystyq bolady. Batysynda, shyǵysynda jáne ortalyǵynda joǵary, al ońtústigi men ońtústik-shyǵysynda tótenshe órt qaýpi saqtalady.
Shyǵys Qazaqstan oblysynyń soltústiginde, shyǵysynda jáne ońtústiginde jańbyr jaýyp, keı jerlerde nóser jańbyr, naızaǵaı, burshaq jáne daýyl bolady. Jeldiń ekpini 15–20 m/s. 18–21 shilde aralyǵynda kúndiz 35–38 gradýs ystyq bolady. Óńirde joǵary jáne tótenshe órt qaýpi jalǵasady.
Abaı oblysynyń shyǵysy men ońtústiginde jańbyr jaýyp, naızaǵaı bolady. Soltústik-batystan jáne soltústikten soǵatyn jeldiń ekpini 15–20 m/s. 18–21 shildede kúndiz 35–38 gradýs ystyq kútiledi. Soltústigi men ońtústiginde tótenshe órt qaýpi saqtalady.
Mańǵystaý oblysynyń soltústiginde, batysynda jáne ortalyǵynda jańbyr jaýyp, naızaǵaı bolady. Soltústik-batystan soǵatyn jeldiń ekpini ońtústikte 15–20 m/s-qa deıin kúsheıedi. Kúndiz óńirdiń ońtústigi men ortalyǵynda 38–42 gradýs ystyq bolady. Joǵary órt qaýpi saqtalady.
Jetisý oblysynda kúndiz aýa temperatýrasy 40–45 gradýsqa deıin kóterilip, óte qatty ystyq bolady. Alakól kólderi aýdanynda shyǵystan soǵatyn jeldiń ekpini 15–20 m/s, keıde 23–28 m/s-qa deıin jetedi. 18–20 shildede taýly aýdandarda 35–37 gradýs ystyq kútiledi. Óńirde joǵary jáne tótenshe órt qaýpi saqtalady.
Batys Qazaqstan oblysynyń soltústigi men shyǵysynda jańbyr jaýyp, naızaǵaı, burshaq jáne daýyl bolady. Batystan jáne soltústik-batystan soǵatyn jeldiń ekpini 15–20 m/s. Oblystyń batysynda joǵary órt qaýpi saqtalady.
Almaty oblysynyń shyǵysynda kúndiz 35–38 gradýsqa deıin ystyq bolady. Oblysta joǵary órt qaýpi saqtalyp, soltústigi men ortalyǵynda tótenshe órt qaýpi jarııalanǵan.
Osyǵan deıin habarlaǵanymyzdaı, Qytaı aptap ystyqpen «jasandy jańbyr» arqyly kúresip jatyr.
